মৰিগাঁৱত সংঘটিত হৈছে এক চাঞ্চল্যকৰ ঘটনা। এগৰাকী ছাত্ৰীক দুর্বৃত্তই ছুৰিকাঘাত কৰা ঘটনাই ব্যাপক চাঞ্চল্যৰ সৃষ্টি কৰিছে ৷ মৰিগাঁও জিলাৰ দলবাৰীত সংঘটিত হৈছে এই ঘটনা ৷ আহত ছাত্রীগৰাকীৰ নাম ফাৰীয়া ৰহমান বুলি জানিব পৰা গৈছে।
প্ৰাপ্ত তথ্য অনুসৰি ফাৰীয়া মৰিগাঁও জ্ঞানদ্বীপ ছিনিয়ৰ ছেকেণ্ডাৰী কলেজৰ ছাত্রী। ঘৰৰ পৰা ই-ৰিক্সাৰে কলেজলৈ গৈ থকা অৱস্থাতে একেখন ৰিক্সাতে অহা দুজন যুৱকে প্ৰথমে ছাত্ৰী গৰাকীক মুখত সোপা মাৰি ধৰে আৰু পাছত চুৰীৰে আক্ৰমণ কৰে ৷ লগে লগে ঘটনাস্থলীত হুলস্থলীয়া পৰিৱেশৰ সৃষ্টি হয় ৷
অৱশ্যে এই ঘটনাৰ পাছতে যুৱক দুজনে পলায়ন কৰে ৷ আহত ছাত্রীগৰাকীক মৰিগাঁও চিকিৎসালয়ত ভর্ত্তি কৰোৱা হয় ৷ ঘটনা সন্দৰ্ভত ইতিমধ্যে আৰক্ষীয়ে গোচৰ ৰুজু কৰি তদন্ত আৰম্ভ কৰিছে।
