ৰাজ্যত পুনৰ সংঘটিত হৈছে এনকাউণ্টাৰৰ ঘটনা ৷ বোকাখাতৰ অগৰাতলী গাঁৱত সংঘটিত হৈছে এনকাউণ্টাৰ। আৰক্ষীৰ গুলীত আহত বাবু শইকীয়া নামৰ এজন লোক । উল্লেখ্য যে বৃহস্পতিবাৰে উদয় চাংমাই নামৰ শিক্ষকজনক গুলীয়াই বাইক কাঢ়ি লৈ গৈছিল বাবু শইকীয়াই। কালি নিশা আৰক্ষীয়ে গ্ৰেপ্তাৰ কৰিছিল বাবু শইকীয়াক। আৰক্ষীয়ে বাবু শইকীয়াক লগত লৈ অভিযান চলাইছিল। অভিযানৰ সময়ত পলাবলৈ চেষ্টা কৰে বাবু শইকীয়াই। সেই সময়তে বাবুলৈ লক্ষ্য কৰি গুলীচালনা কৰে আৰক্ষীয়ে। বাবু শইকীয়াই সোঁভৰিত আঘাত পায় ৷ বাবু শইকীয়াৰ আক্ৰমণত আহত হৈছে কনিষ্টবল অজয় নাথ।
উল্লেখ্য যে, বৃহস্পতিবাৰে বোকাখাতৰ শিক্ষকজনক গুলীবিদ্ধ কৰি তেওঁৰ বাইক আৰু নগদ ধন লৈ পলায়ন কৰিছিল বাবুৱে । শিক্ষকগৰাকী স্কুল ছুটিৰ পাছত ঘৰলৈ উভতি আহি থকা অৱস্থাত এই ঘটনা সংঘটিত হৈছিল। আহত শিক্ষক উদয় চাংমাইৰ ঘৰ বোকাখাতৰ সেউজী পাৰত। প্ৰাথমিক চিকিৎসা কৰাৰ পাছত উন্নত চিকিৎসাৰ বাবে তেওঁক জেএমচিএইচ লৈ প্ৰেৰণ কৰা হয়।
