অৰুণাচল প্ৰদেশত ভয়ংকৰ পথ দুৰ্ঘটনা সংঘটিত হৈছে । অৰুণাচল প্ৰদেশত সংঘটিত এই দুৰ্ঘটনাত মৃত্যু হৈছে অসমৰ চাৰিজন লোকৰ।প্ৰাপ্ত তথ্য অনুসৰি পাহাৰৰ পৰা খহি অহা এটা প্ৰকাণ্ড শিল গাড়ীৰ ওপৰত বাগৰি পৰাৰ ফলত তেওঁলোকৰ থিতাতে মৃত্যু হয় ।মৃত্যু হোৱা চাৰিওজন লোকৰ ঘৰ কোকৰাঝাৰ জিলাৰ গোসাঁইগাঁৱত। নিহত লোককেইজন হ’ল গাড়ীখনৰ চালক হাব্ৰবিল নেপালপাৰাৰ নিৰ্মল হেমব্ৰম, শ্ৰীৰামপুৰৰ খ্ৰীষ্ঠফাৰ হেমব্ৰম , অভিজিৎ হেমব্ৰম। আৰু লক্ষীনাথ কিস্কু। ১৩নং ৰাষ্ট্ৰীয় ঘাইপথত সংঘটিত হৈছে এই শোকাৱহ দুৰ্ঘটনা। ভূমিস্খলনৰ বাবে শিলটো খইহি পৰিছিল পাহাৰখনৰ পৰা ৷
অৰুণাচল প্ৰদেশৰ পৰা এক ধৰ্মীয় অনুষ্ঠান সামৰি লোককেইজনে ঘৰলৈ ওভতাৰ সময়তে দুর্ঘটনাটো সংঘটিত হয় ৷ দুৰ্ঘটনাত পতিত ৱাগন-আৰ বাহনখনৰ নম্বৰ এএছ ১৬জে ০৮৭১ । অৰুণাচলৰ মুৰী মুগলী আৰু গেমীৰ মাজত দুৰ্ঘটনা সংঘটিত হয়।
