বেজেৰাত অগ্নিকাণ্ড, কেইবাখনো দোকান ভস্মীভূত

কামৰূপ জিলাৰ  বেজেৰাত আজি সংঘটিত হয় ভয়াৱহ অগ্নিকাণ্ড। বেজেৰা চ’কৰ এখন দোকানত সংঘটিত এই অগ্নিকাণ্ড।দোকানখনত লগা জুই নিমিষতে আন দোকানলৈ বিয়পি পৰে ৷যাৰ ফলত জুইত জাহ যায়  কেইবাখনো দোকান ৷অগ্নিকাণ্ডত ভস্মীভূত হয়  কেইবা লাখ টকাৰ সা-সামগ্রী ৷ পৰৱর্তী সময়ত দুখন অগ্নিনিৰ্বাপক বাহিনীৰ গাড়ীয়ে জুই নিৰ্বাপন কৰে ।শ্বৰ্ট চাৰ্কিটৰ ফলতে অগ্নিকাণ্ড সংঘটিত হোৱাৰ সন্দেহ কৰা হৈছে ।অগ্নিকাণ্ডৰ ফলত বেজেৰা চ’কৰ ব্যৱসায়ীসকলৰ মাজত হুৱাদুৱা লাগে ৷ শতাধিক দোকান থকা বেজেৰা চ’ক এক ব্যস্ত ব্যৱসায়িক প্ৰাণকেন্দ্ৰ ৷