নগাৱঁত চাৰিচকীয়া বাহনেৰে আহি ছাগলী চুৰ কৰা ঘটনাই তীব্ৰ চাঞ্চল্যৰ সৃষ্টি কৰিছে ৷ নিশা গৰু আৰু ছাগলী চুৰি কৰি বিক্ৰী কৰি পোৱা ধনেৰে ড্ৰাগছ ক্ৰয় কৰিব আহিছিল দুই দুবৃর্ত্তই ৷ সেই সময়ত জুৰীয়াত কৰায়ত্ব কৰা হয় দুই ছাগলী চোৰক ৷ আই-২০ বাহনেৰে আহি দুয়োজনে চুৰি কৰিছিল ছাগলী ৷
জানিব পৰা মতে, চোৰ দুটাৰ এজনৰ পিতৃ অৱসৰপ্ৰাপ্ত আৰক্ষী বিষয়া হোৱাৰ বিপৰীতে আনটো চোৰৰ পিতৃ এজন কৰ্মৰত আৰক্ষী হাবিলদাৰ। ছাগলী চোৰ দুটাৰ ঘৰ ৰহাৰ সৰাগাঁৱত বুলি জানিব পৰা গৈছে। বৰ্তমান জুৰীয়া আৰক্ষীৰ জিম্মাত আছে দুই চোৰ ৷ শুকুৰবাৰে নিশা মাহগুৰিত চোৰ দুটাক ৰাইজে আটক কৰিছিল। উল্লেখ্য যে দীর্ঘদিন ধৰি তেওঁলোকে চাৰিচকীয়া বাহনেৰে গৰু –ছাগলী ছোৰ কৰি আহিছিল অঞ্চলটোত
