বকোৰ শিংৰা শালনীত শুকুৰবাৰে নিশা এটা ভয়ংকৰ পথ দুৰ্ঘটনা সংঘটিত হয় । দুখন বাইকৰ মুখামুখি সংঘৰ্ষৰ ফলত থিতাতে দুজন লোক নিহত হয় ৷ নিহত দুজন ৰূপজ্যোতি বড়ো আৰু বাসুদেৱ ৰাভা বুলি জানিব পৰা গৈছে । ৰূপজ্যোতিৰ ঘৰ বকোৰ শিংৰা নোৱাপাৰাত আৰু বাসুদেৱ ৰাভাৰ ঘৰ বকোৰ জয়পুৰত।
ইফালে, মাৰ্ঘেৰিটাত আজি পুৱাই সংঘটিত হোৱা এক পথ দুৰ্ঘটনাত এগৰাকী মহিলা থিতাতে নিহত হয়। নিহত মহিলা গৰাকী হৈছে মাৰ্ঘেৰিটা ব্লক তিনিআলিৰ নিবাসী পাপু চিৰিং নামৰ লোক জনৰ পত্নী বন্তি চিৰিং (৩৩) ৷
চাইকেলেৰে প্ৰাতঃ ভ্ৰমণৰ বাবে পূৱা ঘৰৰ পৰা ওলাই গৈছিল বন্তি । ৩১৫নং ৰাষ্ট্ৰীয় ঘাইপথেৰে চাইকেল চলাই গৈ থাকোতে তীব্ৰবেগী বাহনে মহিলাগৰাকীক মহতিয়াই নিয়ে। দুৰ্ঘটনা সংঘটিত কৰি বাহনখনে নিয়ন্ত্ৰণ হেৰুৱাই পথৰ কাষৰ এঘৰ লোকৰ গেৰেজত থকা এখন আইটেন বাহনত খুন্দা মাৰে ৷ এই ঘটনাই অঞ্চলটোত শোকৰ ছাঁ পেলাইছে ৷
