নগাঁৱৰ ননৈত বাঘৰ আক্ৰমণত এজন লোকৰ মৃত্যু হোৱা ঘটনাই তীব্ৰ চাঞ্চল্যৰ সৃষ্টি কৰিছে । নিজৰ ঘৰৰ চোতালতে বাঘৰ আক্ৰমণত মৃত্যু হোৱা লোকজন হৈছে আদিত্য শইকীয়া( ৬০ ) ৷ আজি পুৱাই বাঘৰ আক্ৰমণত মৃত্যু হয় লোকজনৰ। জিলাখনৰ ননৈ ভেলাইগাঁৱত সংঘটিত হৈছে এই ঘটনা।
বাঘৰ আক্ৰমণত গুৰুতৰভাৱে আহত হয় সত্য ফুকন (৪৫) নামৰ আন এজন লোক। আহত সত্য ফুকনক নগাঁও মেডিকেল কলেজলৈ প্ৰেৰণ কৰা হয়। বৰ্তমানেও পিঞ্জৰাবদ্ধ হোৱা নাই বাঘটো।
এই ঘটনাৰ পিছতে বন বিভাগৰ বিৰুদ্ধে ক্ষোভিত হৈ পৰে স্থানীয় লোকসকল। হাতে হাতে যাঁঠী-জোং লৈ ওলাই আহে গাঁৱৰ লোকসকল। বন বিভাগক খবৰ দিয়াৰ পিছতো ঘটনাস্থলীত উপস্থিত নোহোৱাৰ অভিযোগ তুলিছে স্থানীয় লোকসকলে ৷
