কোনে অপহৰণ কৰি নিলে গুৱাহাটীৰ সপ্তম শ্ৰেণীৰ ছাত্ৰীক , ক’ত ওলাইছে অৱস্থিতি ??

গুৱাহাটীৰ সপ্তমমানৰ এগৰাকী  ছাত্ৰীৰ অপহৰণৰ ঘটনাক লৈ তীব্ৰ চাঞ্চল্যৰ সৃষ্টি হৈছে ৷ দীপিকা ৰাউট উৰুকাৰ দিনৰে পৰা নিখোজ হৈ আছে  ৷ সপ্তম শ্ৰেণীৰ ছাত্ৰী হৈছে  দীপিকা ৰাউট। পৰিয়ালৰ অভিযোগ অনুসৰি উত্তৰ প্ৰদেশৰ মেৰঠৰ দুই যুৱকে  অপহৰণ কৰিছে ছাত্ৰীগৰাকীক।

ইফালে অভিযোগ পোৱাৰ পাছতে তদন্ত আৰম্ভ কৰিছে মহানগৰ আৰক্ষীয়ে ৷ নিখোজ হৈ থকা দীপিকাৰ অৱস্থিতি ধৰা পৰিছে উত্তৰ প্ৰদেশৰ গাজিয়াবাদত। ইতিমধ্যেই দিল্লীলৈ ৰাওনা হৈছে গুৱাহাটীৰ বশিষ্ঠ আৰক্ষীৰ এটা দল। গুৱাহাটী চি কে একাডেমিৰ সপ্তম শ্ৰেণীৰ ছাত্ৰী হৈছে নিৰুদ্দেশ হৈ থকা দীপিকা ৰাউট। অৱশ্যে দীপিকাৰ সন্ধান ওলালেহে সমগ্ৰ ঘটনা পোহৰলৈ আহিব ৷