অৱশেষত আইপিএছ হিচাপে দায়িত্ব এৰিলে আনন্দ মিশ্ৰই । ৰাজ্য চৰকাৰে গ্ৰহণ কৰিলে আনন্দ মিশ্ৰৰ পদত্যাগ পত্ৰ । আৰক্ষী অধীক্ষকৰ কাৰ্য়ালয়ত নতুন আৰক্ষী অধীক্ষকক দায়িত্বভাৰ অৰ্পণ কৰে আনন্দ মিশ্ৰই । লখিমপুৰৰ আৰক্ষী অধীক্ষক হিচাপে কৰ্মৰত আছিল আনন্দ মিশ্ৰ। এতিয়াৰে পৰা লখিমপুৰৰ নতুন আৰক্ষী অধীক্ষক হৈছে অপর্ণা নটৰাজন ৷
উল্লেখ্য যে চেলিব্ৰিটি আৰক্ষী বিষয়াত পৰিণত হোৱা আনন্দ মিশ্ৰই শেহতীয়াকৈ আইপিএছ সেৱাৰ পৰা অব্যাহতি বিচাৰি ৰাজ্য চৰকাৰৰ ওচৰত পদত্যাগ পত্ৰ দাখিল কৰিছিল ৷ ইয়াৰ পাছতে চর্চালৈ আহিছিল আনন্দ মিশ্ৰ ৷
আৰক্ষীৰ চাকৰি এৰি ৰাজনীতিৰ ক্ষেত্ৰখনত যোগদান কৰিব আনন্দ মিশ্ৰই ৷ ইতিমধ্যে বিহাৰৰ বাক্সাৰ সমষ্টিৰ পৰা ‘বিজেপিৰ হৈ প্ৰার্থীত্ব আগবঢ়াব বুলি চর্চা আৰম্ভ হৈছে ৷ লক্ষণীয় যে লখিমপুৰৰ পূর্বে তেওঁ নগাৱঁকে ধৰি কেইবাখনো জিলাৰ আৰক্ষী অধীক্ষকৰ দায়িত্ব পালন কৰিছিল মিশ্ৰই ৷
