অৰুণাচলৰ আনজাওত সংঘটিত হৈছে ভয়ংকৰ দুৰ্ঘটনা৷ পাহাৰীয়া পথৰ পৰা দ’ খাৱৈত বাগৰি পৰে তিনিচুকীয়াৰ পৰা যোৱা এএছ ২৩ এডি৭৬৩০ নম্বৰৰ বাহনখন৷ দুৰ্ঘটনাত থিতাতে নিহত হৈছে ৩ জন লোক।
মৃত লোককেইজন তিনিচুকীয়াৰ মাকুম ৰ’ডৰ ৰাজাপতি গেৰেজৰ কৰ্মচাৰী আছিল বুলি জানিব পৰা গৈছে৷ পাহাৰৰ দ’ খাৱৈৰ পৰা উদ্ধাৰ কৰা হৈছে মৃতদেহ। অৰুণাচলৰ হাৱাই জিলাৰ আয়ুক্তৰ কার্যালয়ত জেনেৰেটৰ ভাল কৰিবলৈ গৈছিল লোককেইজন ৷ তাৰ পৰা ওভতি অহাৰ সময়তে এই দুর্ঘটনা সংঘটিত হৈছে ৷ নিহত লোক কেইজন পুনিত শর্মা ,দিলীপ ডেকা আৰু নাগেন্দ্ৰ শ্বাহ বুলি জানিব পৰা গৈছে ৷
কালি দুঘৰটনা সংঘটনা হোৱাৰ পাছতে এনডিআৰএফে অভিযান চলায় লোক কেইজনৰ মৃতদেহ উদ্ধাৰ কৰে ৷ ইয়াৰ পাছতে আজি এখন বাহনেৰে তেওঁলোকৰ মৃতদেহ তিনিচুকীয়ালৈ লৈ অহা হয় ৷
