মঙলবাৰে নিশা প্ৰায় ১২ বজাত মঙলদৈ উদ্যোগ চকত সংঘটিত শোকাৱহ পথ দুর্ঘটনাত মাতৃ-পুত্ৰ নিহত হোৱা ঘটনাই শোকৰ ছাঁ পেলাইছে ৷ দুৰ্ঘটনাটোত নিহত মাতৃ আৰু পুত্ৰৰ নাম ক্ৰমে জুৰি বৰুৱা শইকীয়া আৰু পৰাগ জ্যোতি শইকীয়া।মঙলদৈৰ উদ্যোগৰ চকৰ ১৫ নং ৰাষ্ট্ৰীয় ঘাইপথত সংঘটিত হয় এই পথ দুর্ঘটনা।
এখন ট্ৰাক আৰু স্কুটিৰ মাজত হোৱা সংঘৰ্ষৰ ফলত দুয়োজন লোকৰ মৃত্যু হয় ৷ নিহত মাতৃ-পুত্ৰৰ ঘৰ মঙলদৈৰ নিকটৱৰ্তী গেৰিমাৰীত বুলি জানিব পৰা গৈছে ।
উল্লেখ্য যে নিশা দুৰ্ঘটনা সংঘটিত হোৱাৰ লগে লগে মঙলদৈ আৰক্ষী ঘটনাস্থলীত উপস্থিত হৈ দুয়োকে উদ্ধাৰ কৰি মঙলদৈ অসামৰিক চিকিৎসালয়লৈ লৈ যায় যদিও চিকিৎসকে দুয়োকে মৃত ঘোষণা কৰে। ছেপ্টেম্বৰ মাহতে পৰিয়ালটোৱে হেৰুৱাইছিল তেওঁলোকৰ পিতৃক।ইয়াৰ পাছতে মাতৃ-পিতৃৰ মৃত্যুৰ ঘটনাই অঞ্চলজুৰি শোকৰ ছাঁ পেলাইছে ৷
