মাধৱদেৱ বিশ্ববিদ্যালয়ৰ উপাচাৰ্য হিচাপে যোগদান কৰিছে ড০ অৰূপজ্যোতি চৌধুৰীয়ে। বিশ্ববিদ্যালয়খনৰ দ্বিতীয়গৰাকী উপাচাৰ্য হিচাপে দায়িত্ব গ্ৰহণ কৰে চৌধুৰীয়ে ৷
বিশ্ববিদ্যালয়খনৰ ভাৰপ্ৰাপ্ত উপাচাৰ্য ড০ নিৰোদ কুমাৰ বৰুৱাৰ পৰা দায়িত্বভাৰ গ্ৰহণ কৰে তেওঁ ।নিজকে এগৰাকী সাধাৰণ শিক্ষক হিচাপে উল্লেখ কৰি চালুকীয়া বিশ্ববিদ্যালয় খনৰ উপাচাৰ্যৰ দায়িত্ব পালন কৰাটো এক অসাধাৰণ প্ৰত্যাহ্বান বুলি তেওঁ উল্লেখ কৰে ৷
তেওঁ কয় যে এই বিশ্ববিদ্যালয় খনক জনতাৰ বিশ্ববিদ্যালয় হিচাপে গঢ়ি তুলিবলৈ তেওঁ চেষ্টা কৰিব ৷ বিশ্ববিদ্যালয় খনক কেৱল ডিগ্ৰীধাৰী বিশ্ববিদ্যালয়ৰ বিপৰীতে শিক্ষার্থীসকলক জীৱন যুঁজত আগুৱাই যাবলৈ প্ৰয়োজনীয় সকলো শিক্ষা প্ৰদান কৰিব বুলিও তেওঁ কয় ৷
