মাইগ্ৰেইন হৈছে মূৰৰ বিষ। অৱশ্যে সকলো মূৰৰ বিষ মাইগ্ৰেইন নহয়। মাইগ্ৰেইনৰ বিষ সাধাৰণতে মূৰৰ এফালৰ পৰা আৰম্ভ হয় আৰু এটা চকু আৰু ডিঙিত বিয়পিব পাৰে। কিছুমানে বমি, উজ্জ্বল পোহৰ বা শব্দৰ প্ৰতি অসহিষ্ণুতাও অনুভৱ কৰিব পাৰে। যদি পৰিয়ালৰ কোনোবা এজনৰ এই ৰোগৰ ইতিহাস আছে তেন্তে পৰৱৰ্তী প্ৰজন্মলৈ এই ৰোগ বিয়পি পৰাৰ আশংকা থাকে। কিন্তু চিকিৎসকে কয় যে পুৰুষতকৈ মহিলাৰ ‘মূৰৰ বিষ’ বেছি। কেৱল সেয়াই নহয়, মাইগ্ৰেইনৰ ঋতুচক্ৰৰ সম্পৰ্ক আছে।
পুৰুষতকৈ মহিলাসকল এই সমস্যাৰ দ্বাৰা কিয় বেছিকৈ প্ৰভাৱিত হয়?
মহিলাসকলৰ মাইগ্ৰেইনৰ সমস্যা অধিক হোৱাৰ কাৰণ হৈছে কিছুমান হৰম’ন আৰু জিন ৷ হৰম’ন আৰু জিনে মাইগ্ৰেইনত কেনে প্ৰভাৱ পেলায় সেই সম্পৰ্কে বহু গৱেষণা চলি আছে। ইষ্ট্ৰজেন মাইগ্ৰেইনৰ বিষৰ মূল বুলি কোৱা হয়। এই হৰম’নে স্নায়ু আৰু মগজুৰ সকলো জটিল কামৰ লগত জড়িত ৰাসায়নিক পদাৰ্থক প্ৰভাৱিত কৰে। তাৰ পৰাই আৰম্ভ হয় মাইগ্ৰেইনৰ বিষ। বিজ্ঞানীসকলে কয় যে ছোৱালীৰ যৌৱনকাল নোপোৱালৈকে এই সমস্যাটো বৰ বেছি স্পষ্ট নহয় যদিও ঋতুস্ৰাৱ আৰম্ভ হোৱাৰ লগে লগে মাইগ্ৰেইনে বৃদ্ধি পাবলৈ আৰম্ভ কৰে। প্ৰথম পিৰিয়ডৰ সময়ৰ আশে-পাশে বহু মহিলাৰ মাইগ্ৰেইন হয়। কেৱল সেয়াই নহয়, যেতিয়ালৈকে ছোৱালীৰ ঋতুস্ৰাৱ আৰু সন্তান জন্ম দিয়াৰ সম্ভাৱনা থাকে, তেতিয়ালৈকে মাইগ্ৰেইন অব্যাহত থাকে। ২০১৯ চনৰ গ্ল’বেল বাৰ্ডেন অৱ ডিজিজ ষ্টাডি অনুসৰি ১৮ৰ পৰা ৪৯ বছৰ বয়সৰ মহিলাৰ মাইগ্ৰেইনত অধিক আক্ৰান্ত হয় ।
এই সমস্যাৰ চিকিৎসা আচলতে সম্ভৱনে?
বহুতে মাইগ্ৰেইন হ’লে বিষনাশক ঔষধ খায়। এনে ঔষধে সাময়িক সকাহ দিব পাৰে। অৱশ্যে মাইগ্ৰেইনৰ চিকিৎসা একমাত্ৰ ঔষধ নহয়। ৰোগ সোনকালে আৰোগ্য কৰিবলৈ হ’লে প্ৰথমে বিষৰ উৎস বিচাৰি উলিওৱাটো প্ৰয়োজনীয়। বেছি ৰ’দ, টোপনিৰ অভাৱ বা অত্যধিক মানসিক চাপৰ ফলতো মাইগ্ৰেইন হ’ব পাৰে। গতিকে মূৰৰ বিষৰ কাৰণ কি সেই কথা বুজি লৈ সেই অনুসৰি চিকিৎসাৰ ব্যৱস্থা কৰিব লাগে।
