শীতৰ পাছত আগমন ঘটিছে বসন্তৰ ৷ শীতৰ পাছত আৰম্ভ হৈছে গৰমো ৷ দিনতেই হওক বা সূৰ্যাস্তৰ পিছতেই হওক, ৰাস্তালৈ ওলোৱাৰ লগে লগে ঘাম ওলাবলৈ আৰম্ভ কৰে ৷ ঋতু পৰিবৰ্তনৰ লগে লগে পেটৰ বেমাৰ আৰু সংক্ৰমণ হ’বলৈ আৰম্ভ কৰে ৷ গতিকে পেটটো ঠাণ্ডা কৰি ৰখাটো জৰুৰী। কিছুমান খাদ্য নিয়মিতভাৱে খাব লাগে যাতে পেটটো ঠাণ্ডা হৈ থাকে।
দৈ
গ্ৰীষ্মকালত দৈৰ বিকল্প নাই। পুৱা বাহিৰলৈ ওলোৱাৰ আগতে দৈৰ সৈতে ফলৰ স্মুদি খাব পাৰে। দৈয়ে শৰীৰক শীতল কৰি ৰখাত সহায় কৰে। গ্ৰীক দৈ খালে অন্যান্য পুষ্টিকৰ উপাদানৰ লগতে প্ৰটিনও পোৱা যায়।
নেমুৰ ৰস
ৰ’দৰ পৰা উভতি অহাৰ পিছত শৰীৰৰ উষ্ণতা সামঞ্জস্য হ’বলৈ সময় দিয়ক। ইয়াৰ পিছত নেমুৰ চৰবত খাব পাৰে। হজম শক্তিৰ উপৰিও এই চৰবতে ৰোগ প্ৰতিৰোধ ক্ষমতাও বৃদ্ধি কৰিব।
তিঁয়হ
তিঁয়হ যিকোনো ঋতুতে খাবলৈ স্বাস্থ্যকৰ। কিন্তু তিঁয়হৰ চালাড বিশেষকৈ গ্ৰীষ্মকালত খাব লাগে । তিঁয়হে শৰীৰক শীতল কৰি ৰাখে আৰু ওজন নিয়ন্ত্ৰণত সহায় কৰে ৷
ডাবৰ পানী
গৰমৰ পৰা ৰক্ষা পোৱাৰ এটা উপায় হৈছে ডাবৰ পানী। ই পেট ঠাণ্ডা কৰে। ইয়াৰ উপৰিও ইয়াত কেইবাটাও পুষ্টিকৰ উপাদান থাকে। ডাব পানীয়ে শৰীৰত ছডিয়াম, পটাছিয়ামৰ ভাৰসাম্য ৰক্ষা কৰে। গৰমৰ দিনত ডাব পানী খালে শৰীৰ শক্তিশালী হয়।
