দাইল-ভাত, শাক-পাচলি-ৰুটি বা আলুৰ পৰঠা – প্লেটত যি খাদ্য নাথাকক কিয়, অলপ আচাৰৰ লগত থাকিলে খাবলৈ অধিক সোৱাদযুক্ত হয় ৷ প্ৰত্য়েকৰ ঘৰৰ ৰান্ধনীশালত থাকে আচাৰৰ বটল ৷ কেবল সোৱাদ বৃদ্ধিৰ এক খাদ্য সমগ্ৰীয়েই নহয়, আচাৰৰ আছে পুষ্টিকৰ গুণ ৷ পুষ্টিবিদসকলে কয়, কেৱল সোৱাদেই নহয়, প্ৰতিদিনে মধ্যমীয়া পৰিমাণৰ আচাৰ খোৱাৰ ফলত শৰীৰৰ বাবে বহু উপকাৰ হয়।
বিভিন্ন মছলা, তেল, ভিনেগাৰৰ লগত শাক-পাচলি, ফল-মূল বা মাংস মিহলাই আচাৰ প্ৰস্তুত কৰা হয়। অৱশ্যে কেৱল আমাৰ দেশতে নহয় বিদেশতো আচাৰ খোৱাৰ নিয়ম আছে ৷
বিভিন্ন গৱেষণাৰ পৰা দেখা গৈছে যে প্ৰতিদিনে মধ্যমীয়া পৰিমাণৰ আচাৰ খালে অন্ত্ৰ আৰু গেষ্ট্ৰাইটিছৰ স্বাস্থ্য উন্নত হয়। যিহেতু এই খাদ্যবোৰত প্ৰ’বায়’টিক বেক্টেৰিয়া থাকে, গতিকে ইহঁতে আন্ত্ৰিক অংশত ভাল আৰু বেয়া বেক্টেৰিয়াৰ ভাৰসাম্য ৰক্ষা কৰাত সহায় কৰে। বহু আচাৰত ভিনেগাৰ ব্যৱহাৰ কৰা হয় ৷। সেইটোৰ ওপৰতো কেইবাটাও অধ্যয়ন কৰা হৈছে। দেখা গৈছে যে এই ভিনেগাৰে তেজত ইনচুলিন হৰম’নৰ কাৰ্য্যক্ষমতা সঠিক ব্যৱস্থাপনাতো সহায় কৰে।
আচাৰ খোৱাৰ উপকাৰ কি কি?
১) যিকোনো মজি যোৱা খাদ্যত প্ৰ’বায়’টিক থাকে। আচাৰো সেই প্ৰকাৰৰ খাদ্য। আচাৰত থকা ভাল বেক্টেৰিয়াই অন্ত্ৰক সুস্থ কৰি ৰখাত সহায় কৰে। ৰোগ প্ৰতিৰোধ ক্ষমতা উন্নত কৰাৰ উপৰিও পাচনতন্ত্ৰৰ সমস্যাও নিয়ন্ত্ৰণ কৰে।
২) আচাৰত কেলৰি কম থাকে। কিন্তু সহজে হজম হোৱা আঁহৰ পৰিমাণ বেছি। গতিকে আচাৰে ওজন নিয়ন্ত্ৰণত সহায় কৰে। আঁহযুক্ত খাদ্যই পাচনতন্ত্ৰৰ সমস্যা দূৰ কৰাত সহায় কৰে।
৩)আচাৰে আন খাদ্যৰ পৰাও পুষ্টিকৰ উপাদান শোষণ কৰাত সহায় কৰে। ভিটামিন কে, পটাছিয়াম আৰু এন্টিঅক্সিডেন্টৰে সমৃদ্ধ এই খাদ্যই শাৰীৰিক কাৰ্য্যতো সহায় কৰে।
দোকানৰ পৰা কিনা আচাৰ শৰীৰৰ বাবে ভাল নেকি?
এটা শব্দত বেয়া বুলি ক’ব নোৱাৰি। একেবাৰে নিৰাপদ বুলি ক’ব নোৱাৰি। দোকানৰ পৰা কিনা আচাৰত অত্যধিক নিমখ আৰু ৰাসায়নিক পদাৰ্থ থাকিব পাৰে। এনেধৰণৰ আচাৰ-ব্যৱহাৰ শৰীৰৰ বাবে ক্ষতিকাৰক। কিন্তু ঘৰতে বনোৱা আচাৰ খালে এনে সমস্যাৰ পৰা হাত সাৰিব পাৰি।
