এতিয়া লিচুৰ বতৰ ।বজাৰ ভৰি পৰিছে সুস্বাদু লিচুৰে ৷ কিন্তু কেৱল খাবলৈ ভাল হোৱাৰ বাবেই নহয়, ইয়াৰ পুষ্টিকৰ গুণৰ বাবেও গ্ৰীষ্মকালত লিচু খোৱাটো প্ৰয়োজনীয়। পুষ্টিবিদসকলে কয় যে লিচুত প্ৰচুৰ পৰিমাণে ভিটামিন চি থাকে। এই উপাদানটোৱে ছালখনক সুস্থ কৰি ৰখাত সহায় কৰে। লিচুৱে ৰোগ প্ৰতিৰোধ ক্ষমতা বৃদ্ধিৰ বাবে অতি উত্তম। প্ৰচণ্ড গৰমৰ পৰা হাত সাৰিবলৈ লিচু খোৱাটোও প্ৰয়োজনীয়।
লিচু খালে কি কি লাভ হয়?
১) লিচুত পটাছিয়াম, কপাৰ আৰু ভিটামিন চি থাকে। এই উপাদানসমূহ হৃদযন্ত্ৰৰ বাবে উপকাৰী। ইয়াৰ উপৰিও লিচুত অলিগ’নল থাকে, যিয়ে নাইট্ৰিক অক্সাইড উৎপাদনত সহায় কৰে। শৰীৰত পৰ্যাপ্ত পৰিমাণৰ নাইট্ৰিক অক্সাইড থাকিলে হৃদযন্ত্ৰত ৰক্ত সঞ্চালন ভাল হয়। লিচুত থকা পটাছিয়ামেও ৰক্তচাপ স্বাভাৱিক কৰি ৰখাত সহায় কৰে।
২) লিচুত কিছুমান ৰাসায়নিক পদাৰ্থ থাকে, যিয়ে ছালৰ সমস্যা যেনে ব্ৰণ, ক’লা দাগ আদি প্ৰতিৰোধ কৰিব পাৰে। এই ফলত থকা এন্টি-অক্সিডেণ্টে বলিৰেখাৰ সমস্যাও নাইকিয়া কৰে।
৩) লিচুত কেলৰি খুব কম, আঁহ বেছি। গতিকে পৰিমিত পৰিমাণে লিচু খালে তেজৰ শর্কৰা হঠাৎ বৃদ্ধি হোৱাৰ ভয় নাই। পুষ্টিবিদসকলে কয় যে এক কাপ লিচুত ১২৫ কেলৰি থাকে। গতিকে লিচু খালেও সোনকালে ওজন বৃদ্ধি হোৱাৰ কোনো বিপদ নাই।
৪) লিচুত ফ্লেভানল থাকে। এই উপাদানে প্ৰদাহজনিত সমস্যা নিৰাময়ত সহায় কৰে। লিচুয়ে ৰোগ প্ৰতিৰোধ ক্ষমতা বৃদ্ধিতো সহায় কৰে। গতিকে এই ফল নিয়মীয়াকৈ সেৱন কৰিলে সংক্ৰমণৰ সমস্যা নিয়ন্ত্ৰণত থাকে।
৫) নিয়মিতভাৱে এই ফল খালে হজম শক্তি উন্নত হয়। লিচুত সহজে হজম হোৱা আঁহ থাকে। এই আঁহে অন্ত্ৰ সুস্থ কৰি ৰখাত উল্লেখযোগ্য ভূমিকা পালন কৰে।
