নিৰামিষ হওক বা আমিষ, ৰন্ধা-বঢ়াত আদা নাথাকিলে সোৱাদ নহয়। কিন্তু আদাই কেৱল ৰন্ধা-বঢ়াত সোৱাদ কঢ়িয়াই অনাই নহয়, ইয়াৰ স্বাস্থ্যজনিত বহু উপকাৰো আছে। শৰীৰৰ যত্নত আদাৰ গুৰুত্বপূৰ্ণ ভূমিকা আছে। চৰ্দি আৰু কাহৰ পৰা আৰম্ভ কৰি অন্যান্য শাৰীৰিক সমস্যালৈকে—আদাৰ দৰে প্ৰাকৃতিক প্ৰতিকাৰ কমেই আছে। আদাত ভিটামিন চি, ভিটামিন বি ৬, পটাছিয়াম, মেগনেছিয়াম, মেংগানিজ আদি উপাদান থাকে। ইয়াৰ উপৰিও আদাই এন্টিঅক্সিডেন্ট, এন্টি-ইনফ্লেমেটৰী হিচাপে কাম কৰে। খাদ্যৰ পিছত আদাৰ পানীয় খালে বহু উপকাৰ পোৱা যায় বুলি পুষ্টিবিদসকলে কয়। আপুনি জানেনে সেইবোৰ কি?
পাচনতন্ত্ৰৰ অসুবিধা কমি যায়
কেঁচা আদাত জিঞ্জাৰল নামৰ এন্টি অক্সিডেন্ট থাকে। এই উপাদানটোৱে পাচন প্ৰক্ৰিয়াটো বহুত সহজ কৰি তোলে। বদহজমৰ ক্ষেত্ৰত এই প্ৰতিকাৰ অতি ফলপ্ৰসূ। কিছুদিন অবিৰতভাৱে খালে পাচনতন্ত্ৰৰ সমস্যাৰ পৰা সকাহ পাব।
ৰোগৰ বিৰুদ্ধে যুঁজ দিয়াটো সহজ হৈ পৰে
আদাত খনিজ পদাৰ্থ, ভিটামিন থাকে, যিয়ে ৰোগ প্ৰতিৰোধ ক্ষমতা বৃদ্ধি কৰে। আদাৰে তৈয়াৰী এই পানীয়ই সংক্ৰমণৰ সম্ভাৱনা হ্ৰাস কৰে। নিয়মিতভাৱে এই পানীয় সেৱন কৰিলে অসুস্থ হোৱাৰ সম্ভাৱনা কম। এই আদাৰ পানীয়ৰ ওপৰত নিৰ্ভৰ কৰি স্বাস্থ্যসন্মত জীৱন যাপন কৰিব পাৰি।
বিষাক্ত পদাৰ্থ শৰীৰৰ পৰা বাহিৰ কৰে
আদাই শৰীৰৰ পৰা সকলো বিষাক্ত পদাৰ্থ আঁতৰাই পেলায়। ফলত শৰীৰত বিষাক্ত পদাৰ্থ মুক্ত হয়। শৰীৰত জমা হোৱা বিষাক্ত পদাৰ্থবোৰ এবাৰ ওলাই গ’লে ওজন নিয়ন্ত্ৰণ সহজ হৈ পৰে। যিসকলে ওজন কমাব বিচাৰে, তেওঁলোকেআদাৰ পানীয় দৈনিক সেৱন কৰিব পাৰে ৷
