বলিউডৰ জনপ্ৰিয় পৰিচালক মহেশ ভাটয়ে ভৰি দিলে ৭৩ বছৰ বয়সত। উল্লেখ্য যে দেওবাৰে তেঁও নিজৰ পৰিয়ালৰ লগত উৎযাপন কৰে বিশেষ দিনটো । আনহাতে বলিউডৰ জনপ্ৰিয় অভিনেতা ৰণবীৰ কাপুৰো উপস্থিত থাকে পৰিচালক গৰাকীৰ জন্মদিনত।
মহেশ ভাটৰ কন্যা পূজা ভাটে সামাজিক মাধ্যমত প্ৰথমতে জন্মদিনৰ শুভেছা জ্ঞাপন কৰি ফটো প্ৰকাশ কৰে । ইয়াৰ কিছু সময়ৰ পাছতে আলিয়া ভাটেও দেউতাকক জন্মদিনৰ শুভেছা জনাই ফটো প্ৰকাশ কৰে ছ’চিয়েল মিডিয়াত।
উল্লেখ্য যে আলিয়া ভাটে ইনষ্টাগ্ৰামত প’ষ্ট কৰা এখন ফটোত অভিনেতা ৰণবীৰ কাপুৰকো দেখা যায়। ৰণবীৰ কাপুৰে তোলা ফটোখনত অভিনেতা গৰাকীৰ লগতে মহেশ ভাট , পূজা ভাট আৰু আলিয়া ভাট ক জন্মদিনৰ দিনা যথেষ্ট আনন্দত থকা দেখা পোৱা যায়।
উল্লেখ্য যে বলিউডত বৰ্তমান সময়ত চৰ্চাত থকা এক যুটি হ’ল আলিয়া-ৰণবীৰ যুটি। আলিয়াৰ আহিবলগীয়া কেইখন মান উল্লেখযোগ্য ছবি ‘Gangubai Kathiawadi’, ‘RRR’ আৰু ‘Brahmastra। আনহাতে অভিনেত্ৰীগৰাকীয়ে প্ৰযোজনা কৰা ‘Darlings’ নামৰ ছবিখনৰ দৃশ্যগ্ৰহণ ইতিমধ্যে সমাপ্ত হৈছে। ইয়াৰ উপৰিও ‘Rocky Aur Rani Ki Prem Kahani’ নামৰ ছবিত অভিনেত্ৰী গৰাকীৰ লগত দেখা যাব ৰণবীৰ সিং ক।
ৰণবীৰ কাপুৰো ব্যস্ত আছে তেঁওৰ আহিবলগীয়া ছবি ‘Shamshera’লগত । আনহাতে আলিয়াৰ লগত অভিনেতাজনক প্ৰথমবাৰৰ বাবে দেখা যাব ‘Brahmastra’ নামৰ ছবি খনত ।
