জনপ্ৰিয় হাস্য ব্যংগ ধাৰাবাহিক তাৰাক মেহতা কা ওলটা চশমাৰ অন্যতম প্ৰধান চৰিত্ৰ নট্টু কাকা ওৰফে ঘনশ্যাম নায়কৰ বিয়লি ৫ বাজি ৩০ মিনিটত মৃত্যু হয়। দীৰ্ঘ সময় ধৰি কেঞ্চাৰ ৰোগত আক্ৰান্ত হৈ থকা নট্টু কাকাৰ মৃত্যুৰ সময়ত বয়স আছিল ৭৬ বছৰ।
নট্টু কাকাৰ মৃত্যুত অনুৰাগীসকলে গভীৰ শোক প্ৰকাশ কৰিছে। তাৰাক মেহতা কা ওলটা চশমা ধাৰাবাহিকখনৰ কলা কুশলীসকলে গভীৰ শোক প্ৰকাশ কৰাৰ লগতে উল্লেখ কৰে যে চিকিৎসাধীন অৱস্থাত থকা ঘনশ্যাম নায়কে পুনৰ শ্বুটিঙলৈ ঘূৰি আহিবলৈ আগ্ৰহ প্ৰকাশ কৰিছিল। তেওঁ খুব জীৱনমুখী আছিল আৰু কেঞ্চাৰক পৰাস্ত কৰি ১০০ বছৰ জীয়াই থাকিম বুলি সকলোকে জনাইছিল।
নট্টু কাকাৰ মৃত্যু অভিনয় জগতৰ এক বৃহৎ ক্ষতি। তেওঁৰ অভিনয়ে সকলোৰে মুখত হাঁহি বিৰিঙাই ৰাখিছিল। তেওঁ সদায় অনুৰাগীৰ হৃদয়ত জীয়াই থাকিব।
