আজি ভাৰতে ১০০ কোটি ভেকচিনৰ ড’জ প্ৰদান কৰি সমগ্ৰ বিশ্বতে এক অভিলেখ সৃষ্টি কৰিছে। এবছৰ নৌহওতেই ১০০ কোটি ভেকচিন প্ৰদান মোডী চৰকাৰৰ এক অনন্য সফলতা।
এই সংখ্যা আমেৰিকাত প্ৰদান কৰা ভেকচিনৰ সংখ্যাতকৈ দুগুণ, জাপানতকৈ পাঁচ গুণ আৰু জাৰ্মানীতকৈ ন গুণ, ফ্ৰান্সতকৈ দহ গুণ বেছি।
নমাহৰ ভিতৰতে লাভ কৰা এই বৃহৎ সাফল্যত প্ৰধান মন্ত্ৰী ডাঙৰীয়া উৎফুল্লিত হোৱাৰ উপৰিও ভেকচিন চেঞ্চুৰী বুলি ঘোষণা কৰি লালকিল্লাত পতাকা উত্তোলন কৰি দেশৰ এই সাফল্যক উদযাপন কৰাৰ সিদ্ধান্ত লৈছে। ভেকচিনৰ ওপৰত এটি গীত নিৰ্মাণৰো সিদ্ধান্ত লৈছে।
বিশ্ব স্বাস্থ্য সংস্থাই ভাৰতৰ এই সফলতাক প্ৰশংসা কৰিছে।
