২৮নবেম্বৰত কামাখ্যা দেৱালয়ৰ দলৈ নিৰ্বাচন

দেশৰ অন্যতম শক্তিপীঠ কামাখ্যা দেৱালয়ত অহা ২৮নৱেম্বৰত অনুষ্ঠিত হ’ব দলৈৰ নিৰ্বাচন।এই নিৰ্বাচনৰ বাবে মনোনয়ন পত্ৰ দাখিলৰ অন্তিম দিন  হৈছে অহা ২২নবেম্বৰ। কামাখ্যা দেৱালয়ৰ বৰ্তমানৰ দলৈ কবীন্দ্র শৰ্মাই সংবাদ মাধ্যমৰ আগত প্ৰকাশ কৰা অনুসৰি প্ৰতি পাঁচ বছৰৰ মূৰে মূৰে এই নিৰ্বাচন অনুষ্ঠিত হয়।কামৰূপ মহানগৰ জিলা প্ৰশাসনে পৰিচালনা কৰিব দলৈৰ নিৰ্বাচন।২৮নৱেম্বৰৰ পুৱা সাত বজাৰ পৰা বিয়লি তিনি বজালৈ ভোটগ্ৰহণ অনুষ্ঠিত হ’ব।মুঠ ৪৬৪গৰাকী ভোটাৰে বৰ দলৈ আৰু সৰু দলৈৰ প্ৰাৰ্থীৰ ভাগ্য নিৰ্ণয় কৰিব।ইতিমধ্যে শক্তিপীঠ খনত দলৈৰ নির্বাচনক লৈ ব্যাপক উৎসাহ পৰিলক্ষিত হৈছে। শিবিৰে শিবিৰে আৰম্ভ হৈছে নির্বাচনী তৎপৰতা। মনোনয়ন পত্ৰ দাখিলৰ পাছতে আৰম্ভ হব প্ৰচাৰ।