যোগাসনে ওজন হ্ৰাসত সহায় কৰে নে? এই প্ৰশ্নটোৰ সহজ উত্তৰ হ’ব, হয় কৰে। কিন্তু কেতিয়াবা সক্ৰিয় যোগাসন বা ১০৮ বাৰকৈ কৰা সূৰ্য প্ৰণামৰ দ্বাৰা ওজন হ্ৰাস ন’হবও পাৰে। আপুনি ভাবিব প্ৰয়োজনতকৈ অধিক অনুশীলন কৰাৰ পাছতো ওজন কিয় হ্ৰাস হোৱা নাই? এই সম্পৰ্কে যোগবিজ্ঞানে নিজস্ব কিছু মন্তব্য আগবঢ়াইছে।
মেদবহুলতাক আধুনিক ব্যাধি বুলিয়েই ক’ব পাৰি। আজিৰ জীৱনধাৰাত খাদ্যাভাষ, জীৱনধাৰণ পদ্ধতিয়ে মানুহক শাৰিৰীক শ্ৰমবিমুখ কৰি তুলিছে। কিন্তু শকত হোৱাৰ প্ৰৱণতা যিদৰে সকলোৰে একে নহয়, যোগবিদসকলৰ মতে ওজন হ্ৰাস কৰাৰ একে পদ্ধতিও তেনেদৰে সকলোৰে বাবে একে নহ’ব পাৰে।
পেটত জমা হোৱা চৰ্বী এটা ডাঙৰ সমস্যা। ইয়াৰ সমাধান প্ৰচুৰ ব্যায়াম। চিকিৎসা বিজ্ঞানে কয় পেটৰ চৰ্বিয়ে অতিৰিক্ত কলেষ্টেৰল বঢ়ায়। ইয়াৰ ফলত অন্ত্ৰৰ সৈতে সম্পৰ্কিত লিম্ফইড কলাত অতিৰিক্ত ৰক্ত জমা হৈ শৰীৰ দূষিত কৰি পেলায়। অতিৰিক্ত কলেষ্টেৰলে শৰীৰ অধিক দহন কৰি হ’ৰমনৰ ভাৰসাম্য দুৰ্বল কৰে। পাচন কাৰ্য দুৰ্বল কৰাৰ লগতে ৰোগ প্ৰতিৰোধ ক্ষমতাও কমাই দিয়ে। হ’ৰমনৰ উৎপাদন কম হৈ ওজন হ্ৰাসত বাধা দিয়ে।
অৱশ্যেই ইয়াৰ সমাধান যোগাসন হ’ব পাৰে। কিন্তু যধেমধে কৰা অযথা কষ্টৰ দ্বাৰা ভাল ফল কেতিয়াও পাব নোৱাৰি। প্ৰধান কথা প্ৰণালীবদ্ধ আসনেহে আপোনাৰ ওজন হ্ৰাসত সহায় কৰিব। যোগবিদসকলে কেইবিধমান আসনক ওজন হ্ৰাস আৰু সুস্বাস্থ্যৰ ক্ষেত্ৰত ফলপ্ৰসু বুলি অভিহিত কৰিছে।
- সৰ্বাঙ্গসন বা কান্ধত অৱস্থানঃ যদিহে আপোনাৰ স্পণ্ডেলাইটিছ বা ডিঙিৰ কোনো বিষ বা অশান্তি নাই তেন্তে এই আসন আপোনাৰ বাবে ফলপ্ৰসু হ’ব পাৰে। কান্ধে আপোনাৰ বুকুখন থুঁতৰিৰ ওপৰত হেঁচি দিয়ে আৰু থাই’ৰয়ড গ্ৰন্থিক উদ্দীপিত কৰে। ই পাচন সংবহন, লিম্ফেটিক, অন্তঃস্ৰাৱী আৰু স্নায়ুতন্ত্ৰৰ মাজত ভাৰসাম্য বজাই ৰাখে। এই আসনে মন শান্ত কৰে আৰু ধৈৰ্য বঢ়ায়।
- ধনুৰাসন বা ধনুৰ ভংগীমাঃ আপুনি পেটৰ ওপৰত শুই আঁঠু বেঁকা কৰক আৰু গোৰোহা ধৰি ৰাখি লাহে লাহে নিজকে ওপৰলৈ টানক। পিঠি আৰ্ক কৰি বুকু খুলি যিমান সময় পাৰে মনোযোগেৰে উশাহ লওক। এই ধনুৰ ভংগীমাই আপোনাৰ পিঠিৰ বহুতো সমস্যা সমাধানত সহায় কৰে।ধনুৰাসনে পেটৰ পেশীবোৰ শক্তিশালীভাৱে প্ৰসাৰিত কৰাৰ লগতে সমগ্ৰ প্ৰাথমিক কেনেলটো উদ্দীপিত হোৱাত সহায় কৰে। লগতে এই আসনে যকৃৎ, অগ্নাশয় আৰু এড্ৰেনেল গ্ৰন্থিবোৰ সুৰ কৰাত সহায় কৰে। হ’ৰমনৰ ভাৰসাম্য উন্নত কৰি, লিম্ফেটিক কোষ চলাচল সহজ কৰি ৰক্ত সঞ্চালন কৰোৱাৰ লগতে ওজন হ্ৰাসৰ ক্ষেত্ৰত অন্যতম সহায়ক এই আসন।
- ত্ৰিকোণাসন বা ত্ৰিভুজ ভংগীমাঃ আপোনাৰ ভৰিৰ দৈৰ্ঘ্য আৰু ভৰিৰ মাজৰ স্থানৰ মাজত এক সমতাপূৰ্ণ ত্ৰিভুজ গঠন আপোনাৰ ভৰিৰ সৈতে থিয় হওক। সোঁ ভৰিখন বাহিৰৰ ফালে ঘূৰাওক আৰু সোঁ হাতখন সোঁ ভৰিত ৰাখক। এতিয়া বাও বাহুটো মূৰৰ ওপৰলৈ ডাঙক আৰু বাও বাহু দীঘল কৰি সোঁফালে বেকা কৰক। বেছি দূৰলৈ নাযাব। নিশ্চিত কৰিব যে আপোনাৰ বুকু খোলা হৈ আছে। বহুতে বুকু বন্ধ কৰি হাত সকলো ফালে লৰচৰ কৰে। এনে ভুল নকৰিব।ত্ৰিকোণাসনে হজম উন্নত কৰে। ভোক লগায় আৰু প্ৰজনন অঙ্গবোৰ সুৰক্ষিত কৰে। ত্ৰিকোণাসনৰ নিয়মিত অভ্যাসৰ দ্বাৰা পেট আৰু কঁকালৰ চৰ্বি হ্ৰাস হোৱাত সহায় হয়।
- নৌকাসন বা নাওৰ ভংগীমাঃ ভৰি দুখন সন্মুখলৈ প্ৰসাৰিত কৰি বহক আৰু লাহে লাহে ওপৰলৈ উঠাওক আৰু আপোনাৰ চেক্ৰাললৈ উভতি যাওক। ভৰি আৰু ধড় একে কোণত থকাতো বাঞ্চনীয়। নিশ্চিত কৰিব যে আপোনাৰ বুকুখন মেৰুদণ্ডৰ পোনকৈ খোলা থাকে। লাহে লাহে উশাহ লৈ আৰু ধৰি থাকক। যিমান পাৰে পুনৰাবৃত্তি কৰক। এই আসনে হজম শক্তি বঢ়ায় আৰু পেটৰ চৰ্বি দহন কৰাত সহায় কৰে।
- কটি চক্ৰাসনঃ এইটো এটা গতিশীল পাক খোৱা শৃংখলা। আপোনাৰ ভৰিৰ কঁকালৰ প্ৰস্ত বা অলপ বহলকৈ আৰম্ভ কৰক। বাহু কান্ধৰ স্তৰত কাষলৈ প্ৰসাৰিত কৰক। গভীৰ উশাহ লওক আৰু উশাহ এৰি দি সোঁফালে পাক খাওক আৰু আপোনাৰ বাও হাতখন আপোনাৰ সোঁ কান্ধলৈ আৰু সোঁ বাহুটো আপোনাৰ পিঠিৰ পিছফালে আনি আপোনাৰ বাহুমেৰিত মেৰিয়াই লওক। কেন্দ্ৰলৈ ঘূৰি গ’লে উশাহ লওক আৰু তাৰ পাছত বাওফালে পুনৰাবৃত্তি কৰক। কেইবাবাৰো কৰক আৰু নিজকে গছৰ দৰে পাক খুৱাবলৈ যত্ন কৰক। এই অভ্যাসে কঁকাল, পিঠি আৰু পেট সংগত কৰে আৰু লগতে সাধাৰণ জঠৰতা প্ৰতিহত কৰে।
ওজন হ্ৰাসৰ বাবে সূৰ্য ৰশ্মিও সহায়ক হ’ব পাৰে। যোগবিদসকলে কয় যে প্ৰতিটো আসনৰ ক্ষেত্ৰত মাত্ৰ মনত ৰখা উচিত অভ্যাসবোৰ যাতে সুপৰিকল্পিত আৰু প্ৰণালীবদ্ধ হয়।
