বি এছ এফে গুলীয়াই ভূপতিত কৰিলে পাকিস্তানী ড্ৰ’ন

সীমান্ত সুৰক্ষা বাহিনী চমুকৈ বি এছ এফে শুকুৰবাৰে নিশা গুলীয়াই ভূপতিত কৰে এখন পাকিস্তানী ড্ৰ’ন  ৷  পাঞ্জাৱৰ ফিৰোজপুৰ এলেকাৰ ৱানা সীমান্ত চকীৰ ওচৰত বি এছ এফে এই ড্ৰ’নখন গুলীয়াই ভূপতিত কৰে ৷  প্ৰাপ্ত তথ্য অনুসৰি এই ড্ৰ’ন খনে কুঁৱলীৰ বাবে কম উচ্চতাৰে উৰি আছিল ৷  বি এছ এফৰ জোৱানে ড্ৰ’ন খন প্ৰত্যক্ষ কৰাৰ লগে লগেই গুলীয়াই ভূপতিত কৰে ৷  ড্ৰ’ন খন চীনত নির্মিত বুলি নিশ্চিত হৈছে ৷  আনহাতে, ভাৰত- পাক আন্তঃৰাষ্ট্ৰীয় সীমান্তৰ গুৰদাসপুৰত   সন্দেহযুক্ত লোকৰ চাল-চলন প্ৰত্যক্ষ কৰিছে বি এছ এফৰ জোৱানে ৷   যাৰ ফলত পাকিস্তানৰ ফালৰ পৰা ভাৰতত কূটাঘাটতৰ পৰিকল্পনা চলাৰ আশংকা কৰিছে বি এছ এফে ৷