গুৱাহাটীৰ ৰাজপথত ভয়ংকৰ ঘটনা।ৰাজপথতে জ্বলিল এখন চলন্ত মেজিক।মঙলবাৰে দিনৰ ভাগতে গীতানগৰ ৰাজপথত সংঘটিত হয় যাত্ৰীবাহী মেজিত অগ্নিকাণ্ড। ৬ জন যাত্ৰী কঢ়িয়াই নিয়া বাহনখন আমছিং যোৰাবাটৰ পৰা খানাপাৰালৈ গৈ আছিল।উল্লেখ্য যে মেজিকখন মুহূৰ্ততে সম্পূৰ্ণকৈ ভস্মীভূত হৈ পৰে।
আনহাতে, আৰক্ষী সূত্ৰই প্ৰকাশ কৰা মতে যান্ত্ৰিক বিজুতিৰ ফলতেই বাহনখনত অগ্নিকাণ্ড সংঘটিত হোৱা সন্দেহ।
ইফালে ঘটনাস্থলীত গীতানগৰ আৰক্ষী আৰু অগ্নিনিৰ্বাপক বাহিনী উপস্থিত হৈ নিৰ্বাপন কৰে জুই। কিন্তু সেই মুহূৰ্তলৈ সম্পূৰ্ণকৈ জুইত ভস্মীভূত হয় বাহনখন।
