আমেৰিকাত এদিনতে ক’ভিডত আক্ৰান্ত ৫ লাখৰো অধিক

বিশ্বৰ বিভিন্ন  প্ৰান্তত ক’ভিডৰ সংক্ৰমন দ্ৰুত গতিত বৃদ্ধি পাইছে ৷ শেহতীয়াকৈ ক’ভিডৰ সর্বাধিক সংক্ৰমন ঘটা পৰিলক্ষিত হৈছে  মার্কিন যুক্তৰাষ্ট্ৰত ৷ বিগত ২৪ ঘণ্টাত  মার্কিন যুক্তৰাষ্ট্ৰত সর্বাধিক  ৫,১২,০০০ জন লোক ক’ভিডত আক্ৰান্ত হৈছে ৷ ক’ভিড মহামাৰীৰ  আৰম্ভনিৰ সময়ৰ পৰা  বর্তমানলৈ দেশখনত এদিনতে আক্ৰান্ত হোৱা লোকৰ  সংখ্যা হিচাপত এয়া হৈছে সর্বাধিক ৷ দেশখনত মুঠ ক’ভিড আক্ৰান্তৰ সংখ্যা হৈছে ৫৪ নি্যুতৰো অধিক ৷

জনছ হপকিন্স বিশ্ববিদ্যালয়ৰ প্ৰকাশ কৰা  তথ্য অনুসৰি যোৱা 24 ঘণ্টাত ক’ভিডত দেশখনত  প্ৰায় ১,৭৬২  জন ৰোগীৰ মৃত্যু হৈছে ৷   ইয়াৰ পূর্বে দেশখনত এদিনতে সৰ্বাধিক  আক্ৰান্ত ৰোগীৰ সংখ্যা আছিল ২,৯৪,০১৫ জন ৷  বিগত বর্ষৰ ৪ জানুৱাৰীত আক্ৰান্ত হৈছিল এই লোকসকল ৷  আমেৰিকা বিগত  সাত দিনৰ  ভিতৰত গড়  হিচাপত আক্ৰান্ত  লোকৰ সংখ্যা হৈছে  ২,৫৩,২৪৫ জন  ৷  ক’ভিডৰ অ’মিক্ৰন ভেৰিয়েণ্টৰ বাবে  দেশখনত বৃদ্ধি পাইছে ক’ভিডৰ সংক্ৰমন ৷  আক্ৰান্তসকলৰ ৫৮.৬ শতাংশই অ’মিক্ৰন ভেৰিয়েণ্টত আক্ৰান্ত ৷ কেলিফৰ্নিয়া, নিউয়ৰ্কত বৰ্তমান সর্বাধিক লোক আক্ৰান্ত হৈছে ৷