পুনৰ মহানগৰীৰ মাজমজিয়াত নিছাযুক্ত দ্ৰব্য সহ আটক ড্ৰাগছ সৰবৰাহকাৰী ৷ গড়চুক আৰক্ষী থানাৰ পশ্চিম গুৱাহাটী আৰক্ষীৰ (ডব্লিউজিপিডি)ৰ এটা দলে দেওবাৰে নিশা লখৰাৰ কলাইগাঁৱত ৰাহুল পল ওৰফে বিশ্বপল নামৰ এজন ড্ৰাগছ সৰবৰাহকাৰীক গ্ৰেপ্তাৰ কৰিবলৈ সক্ষম হয় ।
আৰক্ষীৰ সূত্ৰঅনুসৰি, ড্ৰাগছ সৰবৰাহকাৰী ৰাহুল পলৰ পৰা ইতিমধ্যে জব্দ কৰা হৈছে ২.৪১ গ্ৰাম হেৰোইনকে ধৰি ২.৪৫৪ কিলোগ্ৰাম গাঞ্জা ৷
এন.ডি.পি.এছ. আইনৰ অধীনত ৰাহুলৰ বিৰুদ্ধে গোচৰ পঞ্জীয়ন কৰা হৈছে আৰু ৰাহুল পল ওৰফে বিশ্ব পলক সোমবাৰে চি.জে.এম.ৰ আদালতত হাজিৰ কৰোৱাই পৰৱৰ্তী সময়ত তেওঁক ন্যায়িক জিম্মালৈ প্ৰেৰণ কৰা হৈছে।
আনহাতে আন এটা ঘটনাত দেওবাৰে নিশা লটাশিল আৰক্ষী থানাৰ পৰা কেন্দ্ৰীয় গুৱাহাটী আৰক্ষী (চিজিপিডি)ৰ এটা দলে উজানবজাৰৰ বেল দাস নামৰ এজন লোকৰ দোকানৰ পৰা অবৈধভাৱে জমা কৰা ভাৰতত নিৰ্মিত বিদেশী সুৰাৰ (আইএমএফএল) ১৫৬টা বটল জব্দ কৰে।
অৱশ্যে উক্ত গোচৰটো আবকাৰী বিভাগক হস্তান্তৰ কৰা হৈছে।
