অসমৰ মুখ্যমন্ত্ৰী ড০ মহন্ত বিশ্ব শৰ্মাই গুৱাহাটীৰ জ্যোতি চিত্ৰবন ফিল্ম ষ্টুডিঅ’ত এখন অত্যাধুনিক দৃশ্য-শ্ৰব্য কেন্দ্ৰ উদ্বোধন কৰে। লক্ষণীয়ভাৱে অঞ্চলটোৰ বাহিৰলৈ নোযোৱাকৈ এই কেন্দ্ৰটোৰ জৰিয়তে এতিয়া সমগ্ৰ অসম আৰু উত্তৰ-পূৰ্বাঞ্চলৰ অন্যান্য ৰাজ্যসমূহৰ চলচ্চিত্ৰ প্ৰযোজকসকলে তেওঁলোকৰ চলচ্চিত্ৰ প্ৰযোজনা আৰু পৰৱৰ্তী কাম-কাজ সমূহ কৰিব পাৰিব। লগতে, চলচ্চিত্ৰ নিৰ্মাতাসকলে ৰাজসাহায্যযুক্ত হাৰত তেওঁলোকৰ চলচ্চিত্ৰত শেহতীয়া অডিঅ’-ভিজুৱেল অংশবোৰ যোগ দিবলৈ সক্ষম হ’ব।
ইফালে, ৰাজ্য চৰকাৰে জ্যোতি চিত্ৰবনত ১৫০০ ক্ষমতাসম্পন্ন প্ৰেক্ষাগৃহ নিৰ্মাণৰ বাবেও চিন্তা-চৰ্চা কৰি আছে বুলি জানিব পৰা গৈছে । ইয়াৰ পূৰ্বে ১৯৬১ চনত অসমৰ ৰাজ্য চৰকাৰে ১০ একৰ মাটিৰ এলেকা থকা নৰকাসুৰ পাহাৰৰ পাদদেশত এক মনোৰম পটভূমিৰ বিপৰীতে কাহিলীপাৰাত জ্যোতি চিত্ৰবনক চৰকাৰী ষ্টুডিঅ হিচাপে প্ৰতিষ্ঠা কৰিছিল। অসম চলচ্চিত্ৰৰ পিতৃ ৰূপকোঁৱৰ জ্যোতি প্ৰসাদ আগৰৱালাক যথাযথ শ্ৰদ্ধা জনাই চলচ্চিত্ৰ ষ্টুডিঅ’টোৰ নাম “জ্যোতি চিত্ৰবন” ৰখা হৈছিল।
ষ্টুডিঅ’টো ১৯৬৮ চনত এটা শ্বুটিং ফ্লোৰৰ সৈতে কাৰ্যকৰী হৈছিল যাক “প্ৰমথেশ চন্দ্ৰ বৰুৱা”ৰ নামেৰে নামাকৰণ কৰা হৈছিল । নিপ বৰুৱাৰ নিৰ্দেশনাত এই মজিয়াত দৃশ্যগ্ৰহণ কৰা প্ৰথম খন চুটি ছবি আছিল “ভদৰী”।
জ্যোতি চিত্ৰবন ষ্টুডিঅ’ক ১৯৭৩ চনত চৰকাৰ নিয়ন্ত্ৰিত পঞ্জীভুক্ত সমাজলৈ ৰূপান্তৰিত কৰা হৈছিল য’ত অসম চৰকাৰৰ বিভিন্ন বিভাগৰ মুৰব্বীসকলক চৰকাৰী সদস্য আৰু প্ৰতিষ্ঠিত চলচ্চিত্ৰ ব্যক্তিত্বসকলক বেচৰকাৰী সদস্য হিচাপে অন্তৰ্ভুক্ত কৰা হৈছিল।বৰ্তমান সময়ত অসম চৰকাৰ আৰু ভাৰত চৰকাৰৰ (অসম চুক্তিৰ অধীনত) বিত্তীয় সমৰ্থনৰ সৈতে ই আধুনিক প্ৰযুক্তিৰে সুসজ্জিত হৈ পৰিছে।
Happy to dedicate to the public a state-of-the-art audio visual hub at Jyoti Chitraban Film Studio.
It will enable producers across Assam & other NE states to do all post-production activities of their films without going outside the region. pic.twitter.com/tuSlinVDmz— Himanta Biswa Sarma (@himantabiswa) August 22, 2022
