আজি অসমৰ এগৰাকী বিশিষ্ট লেখিকা বিউটি ভট্টাচাৰ্যক তেখেতৰ বাসগৃহত ‘’আজীৱন কাব্য সাধনা ” সন্মানেৰে সন্মানিত কৰা হয় ৷ দক্ষিণ গুৱাহাটী শাখা লেখিকা সংস্থাৰ প্ৰাক্তন সভানেত্ৰী তথা বৰ্তমানৰ উপদেষ্টা আৰু লেখিকা সংস্থা অসমৰ পৃষ্ঠপোষক বিশিষ্ট সাহিত্যিক বিউতি ভট্টাচাৰ্যক সন্ধ্যাচল কবি সমাজৰ তৰফৰ পৰা প্ৰদান কৰা হয় ” আজীৱন কাব্য সাধনা ” সন্মান ।লেখিকা গৰাকীয়ে সাহিত্যজগতলৈ আগবঢ়োৱা অৱদান সমূহৰ বাবে ‘সন্ধ্যাচল কবি সমাজ’ৰ তৰফৰ পৰা এই সন্মান প্ৰদান কৰা হয় ৷
বলীন্দ্ৰ ডেকাৰ জন্ম দিনৰ লগত সংগতি ৰাখি ৬জুলাইত গুৱাহাটীৰ লালমাটিত অনুষ্ঠিত হোৱা ‘সন্ধ্যাচল কবি সমাজ’ৰ বাৰ্ষিক সভাত তেওঁৰ শাৰীৰিক অসুস্থতাৰ বাবে উপস্থিত থাকিব নোৱাৰাৰ বাবে তেখেতৰ নিজা বাসগৃহতে এই বঁটা প্ৰদান কৰা হয় ৷ লগতে তেখেতৰ সুস্বাস্থ্য আৰু দীৰ্ঘায়ু কামনা কৰে ‘সন্ধ্যাচল কবি সমাজ’ৰ বিষয়ববীয়া সকলে।
