বৰ্তমান সময়ত সকলোৰে পৰিচিত এটা নাম হৈছে প্ৰিয়ংকা চোপ্ৰা। বিভিন্ন ৰাষ্ট্ৰীয় আৰু আন্তঃৰাষ্ট্ৰীয় পৰিযোজনাৰ লগত জড়িত হৈ আছে অভিনেত্ৰীগৰাকী। পেৰিচত “Global Citizen Live” ত অংশগ্ৰহণ কৰাৰ পৰা আৰম্ভ কৰি নিজৰ আহিবলগীয়া চিনেমাৰ কামলৈকে প্ৰায় সকলো ক্ষেত্ৰত যথেষ্ট ব্যস্ত হৈ আছে তাৰকা গৰাকী।
জানিবলৈ পোৱা মতে আন্তঃৰাষ্ট্ৰীয় বহুতো পৰিকল্পনাত অভিনেত্ৰীগৰাকী জড়িত হ’বলৈ গৈ আছে। আজি কিছুবছৰ ধৰি ভাৰতৰ বাহিৰতহে বেছিভাগ কামত জড়িত হৈ থকা এসময়ৰ বিশ্ব সুন্দৰীগৰাকীয়ে কিন্তু নিজৰ মাটিৰ গোন্ধ পাহৰি যোৱা নাই। উল্লেখ্য যে এই কথা প্ৰমাণ হৈছে সদ্যপ্ৰচাৰিত প্ৰিয়ংকাৰ এখন ছবিত।
প্ৰাপ্ত তথ্য অনুসৰি মংগলবাৰে অভিনেত্ৰীগৰাকীৰ ব্যক্তিগত দলটোৱে এখন ফটো প্ৰচাৰ কৰিছে য’ত তেঁও এখন বিমানত অতি সাধাৰণভাৱে বহি থকা দেখা পোৱা গৈছে। উল্লেখ্য যে অনুৰাগীসকলৰ মাজত উক্ত ছবিখনে যথেষ্ট গুৰুত্ব লাভ কৰিছে কাৰণ তেঁওলোকৰ মতে তাৰকা গৰাকীৰ বহাৰ ধৰণ ভাৰতীয় মানুহৰ দৰে একেই আছে। বিনাদ্বিধাই খুব আৰামদায়ক ভাৱে এখন ভৰিৰ ওপৰত আনখন ভৰি তুলি বহি থকা দৃশ্যই এই কথাই প্ৰমাণ কৰিছে যে বিদেশত থাকিলেও নিজৰ ঠাইৰ দেশীয় অনুভৱ প্ৰিয়ংকাই পাহৰি যোৱা নাই।
প্ৰাপ্ত তথ্য মতে প্ৰিয়ংকা চোপ্ৰাই তেঁওৰ আহিবলগীয়া নতুন ছিৰিজ “Citadel” ৰ দলটোৰ লগত বিমানখনত গৈ আছিল।
জনপ্ৰিয় ছিৰিজ “Avengers” ৰ পৰিচালক জয় আৰু এন্ঠনি ৰুছ’ ৰ দ্বাৰা পৰিচালিত “Citadel” ত প্ৰিয়ংকাৰ লগত অভিনয় কৰিছে ৰিচাৰ্ড মেডেনে । আনহাতে হলিউডৰ ‘Text For You’ আৰু ‘Matrix 4’ তো দেখা যাব তাৰকা গৰাকীক। কেৱল মাত্ৰ হলিউডেই নহয় , বলিউডৰ ফাৰহান আখতাৰৰ পৰিচালনাত আহিবলগীয়া নতুন ছবি ‘Jee Le Zaraa’ত কেট্ৰিনা কাইফ আৰু আলিয়া ভাট্টৰ লগতো দেখা যাব অভিনেত্ৰীগৰাকীক।
