চৰ্চালৈ আহিছে টেলিভিছনৰ জনপ্ৰিয় অভিনেতা কৰণ কুন্দ্ৰাৰ নাম । প্ৰাপ্ত তথ্য অনুসৰি কৰণৰ নাম চৰ্চালৈ আহিছে কালাৰ্ছ টিভিৰ জনপ্ৰিয় অনুষ্ঠান বিগ ব’ছ-১৫ ৰ বাবে । উল্লেখ্য যে এই ৰিয়েলিটি অনুষ্ঠানত এইবাৰ অংশগ্ৰহণ কৰাৰ সম্ভাৱনা আছে অভিনেতাগৰাকীৰ। চালমান খানৰ দাৰা পৰিচালিত এই অনুষ্ঠান অহা মাহৰ পৰা প্ৰচাৰিত হ’ব।
উল্লেখযোগ্য যে অমিত টেণ্ডন , ৰিম শ্বেইখ আৰু ছিম্বা নাগপালৰ পাচত বিগ ব’ছ-১৫ ৰ বাবে অংশগ্ৰহণকাৰী হিচাপে এইবাৰ নাম আহিছে কৰণ কুন্দ্ৰাৰ।
অভিনেতা জনক অলপতে দেখা গৈছিল ষ্টাৰ প্লাছ চেনেলৰ “Yeh Rishta Kya Kehlata Hai” নামৰ ধাৰাবাহিকত ৰণবীৰ চৌহান নামৰ চৰিত্ৰত।
অভিনেতাগৰাকী প্ৰথম দৰ্শকৰ সন্মুখলৈ আহিছিল “”Imagine TV”ৰ “Kitani Mohabbat Hai” নামৰ ধাৰাবাহিকৰ জৰিয়তে। আৰু তেতিয়াৰ পৰাই নিজৰ অভিনয়ৰ বলত দৰ্শকৰ প্ৰিয়পাত্ৰ হৈ পৰিছিল তেঁও। কৰণে “Gumrah End Of Innocence”, “Pyaar Tune Kya Kiya” আৰু “Love School“ নামৰ অনুষ্ঠানতো কাম কৰিছিল।
উল্লেখ্য যে এই অভিনেতা গাৰাকী নিজৰ ব্যক্তিগত জীৱনৰ বাবেও প্ৰায়েই সংবাদমহলত চৰ্চাৰ বিষয় হৈ থাকে। বিগত বৰ্ষত দীৰ্ঘদিনীয়া প্ৰেয়সীৰ লগত বিচ্ছেদ হোৱা খবৰে সামাজিক মাধ্যমত যথেষ্ট তোলপাৰ লগাইছিল , যদিও তেঁওলোকে এই কথা নিজ মুখে প্ৰকাশ কৰা নাছিল।
