অতি সোনকালেই ৰাষ্ট্ৰীয় টিভি চেনেল কালাৰ্ছ (Colors)ত অনুষ্ঠিত হ’বলৈ গৈ আছে জনপ্ৰিয় ৰিয়েলিটি শ্ব’ বিগ বছ (Bigg Boss) । দৰ্শকে অধীৰ আগ্ৰহেৰে অপেক্ষা কৰি আছে এই অনুষ্ঠানৰ বাবে। প্ৰাপ্ত তথ্য অনুসৰি এইবাৰ বিগ বছ- ১৫ হ’ব আনবাৰতকৈ অলপ বেলেগ। আগন্তুক ২ অক্টোবৰৰ পৰা আৰম্ভ হ’বলগীয়া এই ৰিয়েলিটো শ্বটো এইবাৰো পৰিচালনা কৰিব চালমান খানে।
উল্লেখযোগ্য যে বিগ বছ -১৫ ৰ ঘৰৰ ভিতৰৰ বহুতো তথ্য ইতিমধ্যে দৰ্শকৰ সন্মুখলৈ আহিছে। এইবাৰ এই অনুষ্ঠানৰ ছেট সাজি উলিওৱা হৈছে এখন জংঘলৰ ৰূপত। প্ৰতিবাৰৰ দৰে এইবাৰো বিগ বছৰ ঘৰটোত আছে বিলাস-বহুল সুবিধা। চলমান খানে জনোৱা মতে এইবাৰ এই অনুষ্ঠানৰ সময়সীমা হ’ব পাঁচ মাহ। আৰু জংঘলৰূপী এই ঘৰত প্ৰতিযোগী তাৰকা সকলে খুব কম সুবিধাহে লাভ কৰিব পাৰিব।
প্ৰাপ্ত তথ্য মতে চিৰসেউজ অভিনেত্ৰী ৰেখায়ো অংশগ্ৰহণ কৰিব এই অনুষ্ঠানত। অভিনেত্ৰীগৰাকীয়ে জংঘলৰ এজোপা গছৰ বাবে আগবঢ়াব নিজৰ কন্ঠ । আহিবলগীয়া এই নতুন ছিজনটো অতি ৰোমান্সকৰ তথা বিনোদনধৰ্মী হ’ব বুলি আশা কৰা হৈছে। ‘Jungle Mein Sankat’ – এই মূল কথা মনত ৰাখি প্ৰতিযোগীসকলে আৰম্ভণিৰপৰাই বহুতো বাধা- বিঘিনি অতিক্ৰম কৰি আগবাঢ়ি আহিব লাগিব।
উল্লেখ্য যে এই জনপ্ৰিয় অনুষ্ঠানৰ চাৰিটা নাম ইতিমধ্যে প্ৰচাৰ হোৱাৰ পাছত নতুনকৈ সংযোজন হৈছে ওমৰ ৰিয়াজ আৰু ড’নাল বিষ্টৰ নাম। একে সময়তে বিগ বছ অ টি টি ৰ প্ৰাতিক ছাহাজপাল আৰু শ্বমিতা চেট্টীৰ নামো সংযোজন হৈছে এই শ্বটোত।
অলপতে হৈ যোৱা কৰণ জোহৰে পৰিচালনা কৰা বিগ বছ অ টি টি ত এই দুইগৰাকী তাৰকা প্ৰতিযোগী হিচাপে আছিল আৰু সেই শ্বটোত বিজয়ী হৈছিল দিব্যা আগৰৱাল ।
