লক্ষীমপুৰত একেলগে ৬৪০ যোৰা দৰা কইনাৰ সমূহীয়া বিয়া

অসমৰ লক্ষীমপুৰত  উখল-মাখল পৰিবেশ ৷ আজি ৬৪০যোৰা দৰা-কইনাৰ সমূহীয়া বিবাহ কাৰ্যসূচী  সম্পন্ন হৈছে  অসমৰ লক্ষীমপুৰত ৷ লক্ষীমপুৰৰ ‘দ্যা হংস ফাউণ্ডেশ্যন’ আৰু ‘জিলা বিবাহ সংস্কাৰ সমিতি’ৰ উদ্যোগত এই বিবাহ অনুষ্ঠান অনুষ্ঠিত কৰা হৈছে ৷

আয়তীৰ উৰুলী,পুৰুহিতৰ মন্ত্ৰপাঠেৰে মুখৰিত লক্ষীমপুৰৰ চৌপাশ ৷ লক্ষীমপুৰৰ ইমূৰ সিমূৰ সাঙুৰি  সামাজিক ভাৱে বিবাহ পাশত আবদ্ধ হৈছে ৬শতাধিক যুৱক-যুৱতী ৷আৰ্থিক দৈন্যতা নাইবা বিভিন্ন কাৰণত সামাজিক বিবাহ সম্পন্ন কৰিবলৈ অসমৰ্থ হোৱা ৬৪৮ যোৰা দৰা-কইনা আজি  সামাজিক ভাৱে আবদ্ধ হ’ব বিবাহ পাশত ৷  হোম-যজ্ঞৰ যোগেদি বৈদিক পদ্ধতিৰ দ্বাৰা ৫৬৫ যোৰা আৰু ভাগৱতক সাক্ষী কৰি  বিধি পাঠৰ দ্বাৰা ২৩ যোৰা দৰা কইনাৰ বিবাহ অনু্ষ্ঠান সম্পন্ন কৰা হৈছে ৷

পূৰ্বতেও  ২০১৮ চনত  লখীমপুৰত ১১৩৬যোৰা দৰা কইনাৰ সামাজিক বিবাহ সম্পন্ন কৰিবলৈ সক্ষম হৈছিল ‘ দ্যা হংস ফাউণ্ডেশ্যন’ আৰু ‘জিলা বিবাহ সংস্কাৰ সমিতি’ ৷