অন্যান্য বহু অত্যাৱশ্যকীয় সামগ্ৰীৰ লগতে শেহতীয়াকৈ দেশত বৃদ্ধি পালে ৰন্ধন গেছৰ চিলিণ্ডাৰৰ মূল্য ৷ পুনৰ গ্ৰাহকৰ মূৰত মাধমাৰ শোধাই এইবাৰ ১০৫টকাকৈ বৃদ্ধি পালে বাণিজ্যিক চিলিণ্ডাৰৰ মূল্য৷ আজিৰ পৰা প্ৰতিটো বাণিজ্যিক চিলিণ্ডাৰৰ মূল্য বৃদ্ধি পাইছে ১০৫টকাকৈ ৷দেশৰ কেইখনমান প্ৰধান চহৰ দিল্লী, ক’লকাতা আৰু মুম্বাইতো আকাশলংঘী হ’ল দাম ৷
দুই হাজাৰৰ ঘৰো অতিক্ৰম কৰি দেশৰ ৰাজধানী চহৰ দিল্লীত ১৯কিল’গ্ৰাম ওজনৰ প্ৰতিটো বাণিজ্যিক চিলিণ্ডাৰৰ মূল্য হ’লগৈ ২০১২টকা ৷ আনহাতে ক’লকাতাতো দুই সহস্ৰাধিক হ’ল বাণিজ্যিক চিলিণ্ডাৰৰ দাম ৷ চহৰখনত প্ৰতিটো বাণিজ্যিক চিলিণ্ডাৰৰ মূল্য হ’লগৈ ২০৯৫টকা ৷ ইফালে চলচিত্ৰ নগৰী মুম্বাইত প্ৰতিটো বাণিজ্যিক চিলিণ্ডাৰৰ মূল্য হ’লগৈ ১৯৬৩টকা ৷ শেহতীয়া তথ্য অনুসৰি ৭মাৰ্চৰ পিছত ঘৰুৱা ব্যৱহৃত ৰন্ধন গেছৰ চিলিণ্ডাৰৰ মূল্যও বৃদ্ধি পোৱাৰ আছে প্ৰচূৰ সম্ভাৱনা ৷
