আজি ২০২২ বৰ্ষৰ শেষৰটো দিন ৷ ২০২৩ক আদৰিবলৈ সকলো যেন উন্মাদ ৷ আনন্দেৰে ইংৰাজী নৱবৰ্ষক আদৰিবলৈ পূৰ্ণ প্ৰস্তুতিৰে সকলো সাজু ৷ অৱশ্যে নতুনক আদৰাৰ হেঁপাহত কোনেও পাহৰিব নোৱাৰে পুৰণিক ৷ আহকচোন আজিৰ এই শেষৰ দিনটোত আমি ঘূৰি চাওঁ ২০২২ৰ চলচ্চিত্ৰ জগতৰ দিনবোৰলৈ ৷
চলচ্চিত্ৰ,টেলিভিছন আৰু ছেলিব্ৰিটি কনটেণ্টৰ আাটাইতকৈ কৰ্তৃত্বশীল ও জনপ্ৰিয় উৎস আই এম ডি বি ৷ যি প্ৰস্তুত কৰি উলিয়াইছে ২০২২বৰ্ষৰ আটাইতকৈ জনপ্ৰিয় তাৰকাসকলৰ এখন তালিকা ৷ আহকচোন চাওঁ কোন কোন তাৰকাৰ নাম অন্তৰ্ভূক্ত হৈছে এই তালিকাত! তালিকাৰ শীৰ্ষত আছে দাক্ষিণাত্যৰ তাৰকা ধনুষ ৷ দা গ্ৰে মেন আৰু তিৰুচিত্ৰবলমকে ধৰি কেইবাখনো ছবি মুক্তি পোৱাৰ পিছত অভিনেতা জনৰ প্ৰতি আগ্ৰহ বাঢ়িছে ৰাইজৰ ৷ আনহাতে তেওঁৰ পিছতে তালিকাভূক্ত হৈছে বলীউড অভিনেত্ৰী আলিয়া ভাটৰ নাম ৷ আলিয়া অভিনীত গংগুবাই কাথিয়াবাড়ি,ডাৰ্লিংছ আৰু আৰ আৰ আৰ আদি জনপ্ৰিয় ছবিৰ মুক্তিৰ পিছত আলিয়াই চলচ্চিত্ৰ প্ৰেমীৰ অধিক সমাদৰ লাভ কৰিছে ৷ আলিয়াৰ পিছতেই এই জনপ্ৰিয়তাৰ তালিকাত স্থান পোৱা আন আন তাৰকাকেইগৰাকী হ’ল ঐশ্বৰ্য্যৰায় বচ্চন ,ৰামচৰণ তেজা,ৰামচৰণ তেজা,সমান্থা ৰুথ প্ৰভু,ঋত্বিক ৰোশন,কিয়াৰা আদৱানি,এন টি ৰামা ৰাও জুনিয়ৰ ,আলু অৰ্জুন আৰু য়শ ৷
