শাৰদীয় দুৰ্গোৎসৱ সমাগত ৷ এই উৎসৱ মুখৰ পৰিবেশত সকলো ব্যস্ত হৈ পৰিছে বিভিন্ন নতুন নতুন সামগ্ৰী ক্ৰয় কৰাত ৷ বিশেষকৈ পূজা উপলক্ষে নতুন কাপোৰ ক্ৰয় কৰাৰ ক্ষেত্ৰত উখল-মাখল পৰিবেশৰ সৃষ্টি হয় গ্ৰাহক সকলৰ মাজত ৷ এই সময়তে ভাৰতৰ অন্যতম বৃহৎ উৎসৱকালীন ৰেহাই বিক্ৰী অভিযান ‘বিগ ফেশ্বন ফেষ্টিভেল’আৰম্ভ কৰাৰ কথা ঘোষণা কৰিছে জনপ্ৰিয় অনলাইন শ্বপিং প্লেটফৰ্ম ‘মিণ্ট্ৰা’ই ৷ অহা ২৩ছেপ্টেম্বৰৰ পৰা আৰম্ভ হ’ব লগীয়া এই মেগা ফেশ্যন ফেষ্টিভেলত ডেৰগুণ অধিক সামগ্ৰীৰ সমাহাৰ ঘটাৰ লগতে পৰিয়াল সমূহৰ শ্বপিঙৰ প্ৰয়োজনীয়তা পূৰাব পৰাকৈ উপলব্ধ হ’ব ৬০০০ত কৈও অধিক ব্ৰেণ্ডৰ বিচিত্ৰ সম্ভাৰ ৷ গ্ৰাহকৰ চাহিদা পূৰণৰ বাবে এই অনলাইন শ্বপিং প্লেটফৰ্মটোৱে সৰ্বাধিক পৰিমাণৰ অৰ্ডাৰ লাভৰ সময়ত প্ৰতি মিনিটত ১৩০০০তকৈও অধিক অৰ্ডাৰ নিয়ন্ত্ৰণ কৰিবলৈ ইতিমধ্যে সাজু হৈ উঠিছে ৷
আনহাতে ২৪x৭ গ্ৰাহক অন্তৰ্ভূক্তিকৰণ ব্যৱস্থা ’শ্ব’ষ্টপাৰ্ছ’আগবঢ়োৱাৰ কথাও ঘোষণা কৰিছে প্ৰতিষ্ঠানটোৱে ৷ যাৰ অধীনত কুইজ আৰু বিভিন্ন পুৰষ্কাৰৰ লগতে ফেশ্বন ইন্ফ্লুৱেঞ্চৰ দ্বাৰা বিভিন্ন ষ্টাইলিং টিপছ,ছ’চিয়েল মিডিয়াত আলোচনা মূলক ছেছন,ব্ৰেণ্ড সমূহৰ দ্বাৰা আগবঢ়োৱা অনন্য ডীল আৰু প্ৰাইম টাইম অফাৰ সমূহো লাভ কৰিব পাৰিব গ্ৰাহকে ৷
তেওঁলোকে জানিবলৈ দিয়া মতে এক্সিচ বেংক আৰু আই চি আই চি আই বেংকৰ ডেবিট কাৰ্ড ব্যৱহাৰ কৰি গ্ৰাহকসকলে লাভ কৰিব পাৰিব অতিৰিক্ত ১০% ৰেহাই ৷ ইয়াৰ উপৰিও লয়েল্টি কাৰ্যসূচীৰ সদস্য মিণ্ট্ৰা ইনচাইডাৰসকলে সকলো অৰ্ডাৰত বিনামূলীয়া যোগান,উপহাৰ কাৰ্ড,প্ৰসিদ্ধ ব্ৰেণ্ডৰ কূপন আদিৰ সুবিধাও লাভ কৰিব ৷
উল্লেখনীয় যে জনপ্ৰিয় অনলাইন শ্বপিং প্লেটফৰ্ম মিণ্ট্ৰাৰ এই ‘বিগ ফেশ্বন ফেষ্টিভেলৰ যোগেদি ৩২০০তকৈও অধিক বিপণীৰ ৩০০ৰো অধিক ব্ৰেণ্ডে গ্ৰাহকসকললৈ আগবঢ়াইছে ১.৭লাখ ধৰণৰ অনন্য সম্ভাৰ নিৰ্বাচনৰ সুবিধা ৷
