নৱবৰ্ষ উপলক্ষে ঘৰুৱা বিমান যাত্ৰীলৈ তিনিটা আগশাৰীৰ বিমান প্ৰতিষ্ঠানে ভ্ৰমণৰ ক্ষেত্ৰত আগবঢ়াইছে বিশেষ অফাৰ ৷ গ’ ফাৰ্ষ্ট ,এয়াৰ এছিয়া আৰু ইণ্ডিগ’ বিমান প্ৰতিষ্ঠান কেইটাই যাত্ৰী সকলৰ বাবে আগবঢ়োৱা এই বিশেষ অফাৰ ২০২২ বৰ্ষৰ ১৫ জানুৱাৰীৰ পৰা ১৫ এপ্ৰিললৈকে প্ৰযোজ্য হ’ব ৷ গ’ ফাৰ্ষ্ট বিমান প্ৰতিষ্ঠানটোৱে নূন্যতম ১,০২২ টকাত বিমান ভ্ৰমণৰ সুবিধা আগবঢ়াইছে বিমান যাত্ৰী সকললৈ৷ আনহাতে ইণ্ডিগ’ বিমান প্ৰতিষ্ঠানটোৱে ২৭ ডিচেম্বৰৰ পৰা ৩১ ডিচেম্বৰৰ ভিতৰত বিশেষ বৰ্ষসমাপ্তিৰ টিকেট বিক্ৰী আৰম্ভ কৰিছে ৷এই সময়ত টিকেট ক্ৰয় কৰা বিমান যাত্ৰী সকলে ২০২২ বৰ্ষৰ ১৫ জানুৱাৰীৰ পৰা ১৫এপ্ৰিলৰ ভিতৰত ৰেহাই মূল্যত বিমান ভ্ৰমণ কৰিব পাৰিব ৷ এয়াৰ ইণ্ডিয়া নামৰ বিমান প্ৰতিষ্ঠানটোৱেও ‘নিউ ইয়েৰ নিউ প্লেচেচ’ শীৰ্ষক বিক্ৰী অভিযানৰ যোগেদি বিমান যাত্ৰীসকলক ৰেহাই মূল্যত টিকেট ক্ৰয় কৰাৰ সুবিধা আগবঢ়াইছে ৷ ৩১ ডিচেম্বৰ পৰ্যন্ত এই অফাৰৰ যোগেদি যাত্ৰী সকলে টিকেট ক্ৰয় কৰিব পাৰিব আৰু এনে টিকেটেৰে অহা বছৰৰ ১৫ জানুৱাৰীৰ পৰা ১৫এপ্ৰিলৰ ভিতৰত বিমান ভ্ৰমণ কৰিব পাৰিব ৷
