টুইটাৰৰ মুখ্য কাৰ্যবাহী বিষয়া পৰাগ আগৰৱালে যোৱা সপ্তাহত লণ্ডনত কেইবাটাও ব্যৱসায়িক অনুষ্ঠানত অংশ গ্ৰহণ কৰিছিল। সেই সময়ছোৱাত শ্ৰীযুত আগৰৱালে কৰ্মচাৰীসকলক কফি পৰিৱেশন কৰাৰ দৃশ্য ইতিমধ্যে সামাজিক মাধ্যমত ভাইৰেল হৈ পৰিছে ৷
ছ’চিয়েল মিডিয়াৰ এক জনপ্ৰিয় ও বৃহৎ প্লেটফৰ্ম টুইটাৰৰ লণ্ডনৰ কাৰ্যালয়ত কফি অৰ্ডাৰ লোৱা দেখা গৈছিল শ্ৰীযুত আগৰৱালক । ইউকেৰ টুইটাৰৰ পৰিচালন সঞ্চালক দাৰা নাছাৰও উপস্থিত আছিল। আনহাতে টুইটাৰৰ মুখ্য বিত্তীয় বিষয়া নেড চেগালে কফিৰ সৈতে আগবঢ়াইছিল কুকিজ ।
২০২১ চনৰ নৱেম্বৰত টুইটাৰৰ প্ৰতিষ্ঠাপক জেক ডৰ্চে প্ৰতিষ্ঠানটো এৰি যোৱাৰ পিছত, শ্ৰীযুত আগৰৱালে কোম্পানীটোৰ দায়িত্ব গ্ৰহণ কৰে।
টেছলা আৰু স্পেচএক্সৰ মুখ্য কাৰ্যবাহী বিষয়া এলন মাস্কে কেইসপ্তাহমান আগতে এক বৈঠকত টুইটাৰ কৰ্মচাৰীসকলক সম্বোধন কৰিছিল। শ্ৰীযুত মাস্কে ছ’চিয়েল মিডিয়া কোম্পানীটো ৪৪ বিলিয়ন ডলাৰত ক্ৰয় কৰাৰ কথা আছিল। শ্ৰীযুত মাস্কৰ মতে, তেওঁ বিচাৰে যে টুইটাৰ চীনৰ ‘উই চেট’ৰ দৰে এটা চুপাৰ এপলৈ বিকশিত হওক
কিন্তু টেছলাৰ মুখ্য কাৰ্যবাহী বিষয়াই আগৰৱালক টুইটাৰত অপমান কৰাৰ ফলত আগৰৱাল আৰু মাস্কৰ সম্পৰ্কৰ অৱনতি ঘটিছিল। যেতিয়া তেওঁ ছ’চিয়েল মিডিয়া নেটৱৰ্কত স্পাম, বট আৰু ফনী একাউণ্ট সম্পৰ্কে অধিক তথ্য বিচাৰিছিল, শ্ৰীযুত মাস্কে মে’ত কৈছিল যে তেওঁৰ সামাজিক মাধ্যমপ্লেটফৰ্মৰ প্ৰস্তাৱিত ক্ৰয় স্থগিত আছে।
আনহাতে শ্ৰীযুত মাস্কে এই বিষয়টো আৰু এবাৰ উত্থাপন কৰি কৈছিল যে এইবোৰ কাৰণৰ বাবে এই ক্ৰয় এতিয়ালৈকে সম্পূৰ্ণ হোৱা নাই।
যেতিয়া শ্ৰীযুত আগৰৱালে টুইটাৰে কেনেদৰে প্ৰৱঞ্চনামূলক একাউণ্টৰ অনুমান কৰিছে সেই বিষয়ে এক দীঘলীয়া বৰ্ণনা কৰিছিল তাৰ প্ৰত্যুতৰত শ্ৰীযুত মাস্কে এটা পুপ ইমোজিক সঁহাৰি হিচাপে ব্যৱহাৰ কৰিছিল ৷
