তিতা কেৰেলা আমাৰ শৰীৰৰ বাবে অতি উপকাৰী। বহুতো ঔষধি গুণেৰে সমৃদ্ধ তিতা কেৰেলা খালে চুগাৰ থকা ব্যক্তিও উপকৃত হয়। তিতা কেৰেলা শৰীৰৰ বাবে উপকাৰী যদিও একাধিক চাইড এফেক্ট অৰ্থাৎ পাৰ্শ্ব ক্ৰিয়াও আছে। চিকিৎসকে জানিবলৈ দিছে যে, ভুলতেও ৰাতিৰ আহাৰত কেৰেলা বা যিকোনো তিতা খোৱা উচিত নহয়। ৰাতি তিতাৰ ব্যঞ্জন খালে স্বাস্থ্য সংক্ৰান্তিয় নানা সমস্যাই দেখা দিব পাৰে। চিকিৎসকৰ পৰামৰ্শ অনুসৰি কি ৰোগ থকা ব্যক্তিয়ে বা কোন ৰোগীয়ে তিতা কেৰেলা খাব নালাগে আৰু ৰাতি কিয় তিতা খোৱা উচিত নহয় জানো আহকচোন এই প্ৰতিবেদন যোগে
১)। তিতা কেৰেলা হজম কৰা খুব কঠিন আৰু হজম কৰিবলৈ হ’লে সুস্থ পাচন তন্ত্ৰৰ প্ৰয়োজন। ৰাতি হজম প্ৰক্ৰিয়া অলপ দুৰ্বল হৈ পৰে বাবে ৰাতিৰ আহাৰত তিতা কেৰেলা খালে বদহজম বা গেছৰ সমস্যা হ’ব পাৰে।
২)। চিকিৎসকৰ মতে, ৰাতি তিতা কেৰেলা খালে চৰ্দি,কাহ সংক্ৰান্ত সমস্যাও হ’ব পাৰে।
৩)। আমি সকলোৱে জানো যে, চুগাৰ বা ডায়েবেটিচ ৰোগীৰ বাবে তিতা কেৰেলা উপকাৰী । কেৰেলাই তেজত শৰ্কৰাৰ পৰিমাণ কমোৱাত সহায় কৰে বাবে চিকিৎসকে ডায়েবেটিচ ৰোগীক সীমিত পৰিমাণে তিতা কেৰেলা খাবলৈ পৰামৰ্শ দিয়ে।
৪)। বহুতৰে ধাৰণা যে, বেছিকৈ তিতা কেৰেলা খালে সোনকালে চুগাৰ নিয়ন্ত্ৰণত আহিব। কিন্তু এই ধাৰণা শুদ্ধ নহয়। অতিৰিক্ত পৰিমাণে তিতা কেৰেলা খালে ডায়েবেটিচ ৰোগীৰো অপকাৰ হয়। চুগাৰৰ ঔষধৰ লগত তিতা কেৰেলা বা যিকোনো তিতা বেছিকৈ খালে তেজত শৰ্কৰাৰ পৰিমাণ স্বাভাৱিক অৱস্থাৰ পৰা বেছি পৰিমাণে কমি যাব পাৰে। ফলত হাইপ’গ্লাইচেমিয়া আক্ৰান্ত হৈ ডায়েবেটিচ ৰোগী অসুস্থ হৈ পৰিব পাৰে।
৫)। সদ্য অস্ত্ৰোপচাৰ হৈ উঠা লোকেও বেছিকৈ তিতা কেৰেলা খালে ক্ষতি কৰিব পাৰে বাবে তিতা বেছিকৈ খাব নালাগে।
৬)। যিসকল লোকৰ কিডনী বা লিভাৰৰ সমস্যা আছে তেওঁলোকে তিতা কেৰেলা বা তিতা খোৱা উচিত নহয়। আৰু খালেও গুৰুতৰ সমস্যাত পৰিব পাৰে।
৭)। তাৰোপৰি যিসকল লোকৰ পাচন তন্ত্ৰ দুৰ্বল আৰু হজমৰ সমস্যা আছে তেওঁলোকে তিতা কেৰেলা খাব নালাগে।
তিতা কেৰেলা ৰাতিৰ আহাৰত নাখাই দিনৰ আহাৰৰ লগত খাব লাগে আৰু তিতা কেৰেলা উপকাৰী যদিও অত্যাধিক পৰিমাণে নাখাই সীমিত পৰিমাণে খোৱা উচিত।
