ক্ৰমাৎ বাঢ়িছে গৰম ৷ গৰমৰ পৰা মুক্তি পাবলৈ ইলেক্ট্ৰিক ফেন, কুলাৰ, এচিৰ ওপৰত নিৰ্ভৰ কৰিবলগীয়া হয়। মাহৰ শেষত মধ্যবিত্ত শ্ৰেণীয়ে বিদ্যুতৰ বিল কিমান হ’ব তাক লৈ চিন্তিত হৈ পৰিছে। এই পৰিস্থিতিত কেনেকৈ সঞ্চয় কৰিব পাৰি ভাবিছেনে? যাতে বিদ্যুতৰ বিলৰ পৰিমাণ কিছু পৰিমাণে হ্ৰাস পায়। এয়াৰ কণ্ডিচনাৰ চলালে আন সঁজুলিতকৈ বিদ্যুতৰ বিল বেছি বৃদ্ধি পায়। কিন্তু গৰমৰ পৰা সকাহ পাবলৈ ইয়াক চলাবই লাগিব। অৱশ্যে এয়াৰ কণ্ডিচনাৰ চলালেও বিলৰ বোজা কমি যাব পাৰে। সকলো সময়তে এচি চলি থাকিলেও বিল কেনেকৈ কমাব?
১) এচি চাৰ্ভিচিং: বছৰৰ কিছুমান নিৰ্দিষ্ট সময়ত এচি চাৰ্ভিচিং ল’বলৈ নাপাহৰিব। শীতকালত এচিৰ বিশেষ ব্যৱহাৰ হোৱা নাছিল। গৰমৰ দিনত এচি ব্যৱহাৰ কৰা হয় ,সেয়েহে এতিয়া চাৰ্ভিচ কৰক। খৰচৰ ভয়ত চাৰ্ভিচিং এৰাই চলিব নালাগে, নহ’লেপ্ৰতিমাহে বিদ্যুতৰ বিল বৃদ্ধি পাব।
২) ফিল্টাৰটো নিয়মিতভাৱে পৰিষ্কাৰ কৰক: দীৰ্ঘদিন ব্যৱহাৰ কৰাৰ বাবে এচি ফিল্টাৰত বহুত মলি জমা হয়। বিদ্যুৎ ৰাহি কৰিবলৈ ফিল্টাৰ পৰিষ্কাৰ কৰি ৰখাটো গুৰুত্বপূৰ্ণ। ১০ দিনৰ মূৰে মূৰে পৰিস্কাৰ কৰিলে ভাল।
৩)এচিৰ উষ্ণতা বেছি কম নকৰিব: এই এয়াৰ কণ্ডিচনাৰ যন্ত্ৰটোৰ উষ্ণতা ২৪ৰ পৰা ২৬ চেণ্টিগ্ৰেডৰ ভিতৰত ৰাখিব লাগিব। পুৱা শুই উঠাৰ আগতে এচিটো স্লিপ মোডত ৰাখিব লাগে। বিদ্যুৎ কম খৰচ হ’ব । তাপমাত্ৰা যিমানেই কম হ’ব সিমানেই বিদ্যুতৰ বিল বেছি হ’ব । কোঠাটো ঠাণ্ডা হ’বলৈ উষ্ণতা কম কৰক আৰু তাৰ পিছত শোৱাৰ আগতে বৃদ্ধি কৰক।
৪) কোঠাটোত ডাঠ পৰ্দা স্থাপন কৰক: কোঠাৰ উষ্ণতা যিমানেই বেছি হ’ব সিমানেই কুলাৰ বা এয়াৰ কণ্ডিচনাৰেৰে কোঠাটো ঠাণ্ডা হ’বলৈ সময় লাগিব। সেই ক্ষেত্ৰত এচি অধিক সময় চলিব লাগিব। বিল বৃদ্ধি পাবলৈ ধৰিলে। কোঠাটোত ডাঠ পৰ্দা এখন লগালে বাহিৰৰ পৰা অহা গৰম বতাহ আৰু পোহৰ কম আহিব। ফলত কোঠাটো সোনকালে ঠাণ্ডা হ’ব।
৫)এচিত টাইমাৰ লগাওক: শুই থকাৰ সময়ত এচিত টাইমাৰ লগাই দিব লাগে। ৰাতি এই যন্ত্ৰটো চলালে টোপনি অহাৰ দুঘণ্টামানৰ ভিতৰতে কোঠাটো ঠাণ্ডা হৈ পৰে। তাৰ পিছত ইয়াৰ প্ৰয়োজন নাই। কিন্তু গভীৰ টোপনিত ই নিৰ্দিষ্ট সময়ত বন্ধ নহয়। ফলত গোটেই ৰাতি এচি চলি থাকে। তাৰ বাবে টাইমাৰ এটা ৰখাই ভাল। যদি আপুনি এটা টাইমাৰ দুঘণ্টাৰ পৰা ডেৰ-দুই ঘণ্টাৰ বাবে ছেট কৰে তেন্তে ই এটা নিৰ্দিষ্ট সময়ৰ পিছত নিজেই বন্ধ হৈ যাব। বিদ্যুৎ আৰু ধন দুয়োটা ৰাহি হ’ব।
