তেলৰ মালিচে হাড় শক্তিশালী কৰাৰ লগতে ছালখন সুস্থ কৰি ৰখাত গুৰুত্বপূৰ্ণ ভূমিকা পালন কৰে। সেয়ে প্ৰায় প্ৰতিখন ঘৰতে জন্মৰ কেইদিনমান পিছতে কেঁচুৱাক তেলেৰে মালিচ কৰাৰ প্ৰথা আছে। হাড় গঠনৰ পৰা আৰম্ভ কৰি তেজ চলাচললৈকে—মালিচ কৰিলে সকলো উন্নত হয়। অৱশ্যে নৱজাতক বা ছমহীয়া শিশুক তেল মালিচ কৰাৰ সঠিক পদ্ধতি জানিব লাগিব। ছালখন সুস্থ কৰি ৰাখিবলৈ কি তেল ব্যৱহাৰ কৰি আছে সেয়াও মনত ৰখাটো প্ৰয়োজনীয়।
মালিচ কৰাৰ সঠিক পদ্ধতি কি?
শিশুৰ শৰীৰ, হাত-ভৰি বিষ হব পাৰে বুলি ভাবি বহুতে এই তেল খুব জোৰেৰে মালিচ কৰে। ইয়াৰ বিপৰীত প্ৰতিক্ৰিয়া হ’ব পাৰে। কেঁচুৱাক এবছৰ হোৱালৈকে অতি সাৱধানে মালিচ কৰিব লাগে। তেল লগালে নৱজাতকে কান্দিবলৈ আৰম্ভ কৰিব পাৰে। গতিকে ভৰিৰ পৰা মালিচ আৰম্ভ কৰিব পাৰে।
শিশুৰ মালিচ কৰিবলৈ কেনেধৰণৰ তেল ব্যৱহাৰ কৰিব পাৰি?
বহুতে কেঁচুৱাক সৰিয়হ, অলিভ বা নাৰিকল তেলেৰে মালিচ কৰে। অৱশ্যে নৱজাতকৰ ছাল অতি সংবেদনশীল। গতিকে চিকিৎসকে এই ধৰণৰ তেল ব্যৱহাৰ কৰাত নিষেধাজ্ঞা আৰোপ কৰে। বৰঞ্চ ইহঁতৰ বাবে বিশেষভাৱে প্ৰস্তুত কৰা তেল ব্যৱহাৰ কৰিব পাৰি। বহু কোম্পানীয়ে কেৱল শিশুৰ বাবে প্ৰসাধন সামগ্ৰী তৈয়াৰ কৰে। ব্যৱহাৰ কৰাটো নিৰাপদ।
মালিচৰ বাবে নিৰ্দিষ্ট সময় আছেনে?
নৱজাতকৰ ওপৰত কেতিয়া তেলৰ মালিচ আৰম্ভ কৰিব পাৰি সেই বিষয়ে প্ৰথমে শিশুটিৰ চিকিৎসকৰ লগত কথা পাতক। সাধাৰণতে গৰমত গা ধোৱাৰ আগতে আৰু শীতকালত গা ধোৱাৰ পিছত শিশুক তেল মালিচ কৰিবলৈ কোৱা হয়। যদি তেল নোহোৱাকৈ ক্ৰীম বা লোচনেৰে মালিচ কৰিব লাগে তেন্তে দুপৰীয়া বা শুই উঠাৰ আগতে মালিচ কৰিব পাৰি। কিন্তু যদি শিশুটিৰ ঠাণ্ডাৰ প্ৰৱণতা থাকে, তেন্তে সন্ধিয়াৰ পিছত মালিচ নকৰাটো ভাল।
