আপোনাৰ ৰক্তচাপ উচ্চ নেকি? ইয়াৰ উঠা-নমা হয় নেকি? আপুনি আৰু আপোনাৰ আপোনজন নিশ্চয় সকলো সময়তে উচ্চ ৰক্তচাপত ভুগি আছে। কৰ্মক্ষেত্ৰত মানসিক চাপ, পাৰিবাৰিক দায়িত্ব পালন, ব্যক্তিগত সমস্যাৰ বোজাৰ বাবে ৰক্তচাপ এতিয়া নিয়ন্ত্ৰণত নাথাকে। ইয়াৰ লগতে ধূমপান, মদ্যপান, শাৰীৰিক ক্ৰিয়া-কলাপ কমি যোৱা, অস্বাস্থ্যকৰ খাদ্য খোৱাৰ অভ্যাস আদিৰ সম্পর্কও দেখা যায় ৷
এজন প্ৰাপ্তবয়স্কৰ স্বাভাৱিক ৰক্তচাপ ১২০/৮০। যদি ১৪০/৯০ বা তাতকৈ অধিক হয় তেন্তে তাৰ অৰ্থ হ’ল ৰক্তচাপ বৃদ্ধি হৈছে। যদি ৰক্তচাপ ১১০/৬০ৰ তললৈ নামি যায়, তেন্তে ৰক্তচাপ কম হোৱাটো বুজিব লাগে। ঘৰত যদি ব্লাড প্ৰেচাৰ মনিটৰ থাকে তেন্তে নিয়মীয়াকৈ জুখিলে ভাল। যদি আপুনি অনুভৱ কৰে যে ৰক্তচাপ সলনি হৈছে, শৰীৰৰ অস্বস্তি, মূৰ ঘূৰোৱা আদি লক্ষণ দেখা দিছে, তেন্তে আপুনি চিকিৎসকৰ ওচৰলৈ যাব লাগে বা পেছাদাৰী ব্যক্তিৰ দ্বাৰা পৰীক্ষা কৰাব লাগে। ৰক্তচাপ জোখাৰ সময়ত কি কি নিয়ম মানি চলিব লাগে সেই বিষয়ে বিতংভাৱে জানি লওক।
১) খোৱাৰ পিছত লগে লগে ৰক্তচাপ জুখিব নালাগে ৷ আনকি খালী পেটতো ৰক্তচাপ জোখাটো উচিত নহয় ৷ গধুৰ আহাৰ খোৱাৰ পিছত কমেও ১ৰ পৰা ২ ঘণ্টাৰ পিছত ৰক্তচাপ জুখিব লাগে।
২) খালী পেটত ৰক্তচাপ জুখিব নালাগে। চিকিৎসকৰ মতে লঘু চাহ-বিস্কুট বা জলপান খায়, তেতিয়াও ৩০-৪০ মিনিট অপেক্ষা কৰিব লাগে। ৰক্তচাপ জোখাৰ আগতে ধূমপান বা মদ্যপান নকৰিব।
৩) বাহিৰৰ পৰা উভতি অহাৰ পিছত, বা কঠোৰ পৰিশ্ৰম কৰাৰ পিছত ৰক্তচাপ জোখাটো সঠিক নহয়। প্ৰথমে শৰীৰটোক অলপ সময় এডজাষ্ট কৰিবলৈ দিয়ক। আধা ঘণ্টা জিৰণি লোৱাৰ পিছত ৰক্তচাপ জুখিব লাগে। অত্যধিক ব্যায়াম কৰিলে আমাৰ হৃদস্পন্দন বৃদ্ধি পায়। সেই সময়ত ৰক্তচাপ জুখিলে সঠিক ‘জোখ’ পোৱা নাযায়।
৪) প্ৰস্ৰাৱ ধৰি ৰাখি ৰক্তচাপ জোখাটো শুদ্ধ নহয়। যদি মূত্ৰাশয়ত চাপ দিয়া হয় তেন্তে জোখ সঠিক নহ’ব।
৫) লাহে লাহে বহি ৰক্তচাপ জুখিব লাগে। পোনে পোনে উঠি বহিব। চকী বা পিঠি টানকৈ ক’ৰবাত পিছলৈ হেলান দিব। শৰীৰ আৰু মনক শান্ত কৰি ৰাখি ৰক্তচাপ জুখিব লাগে।
৬) ৰক্তচাপ পৰীক্ষা কৰোতে বেছিকৈ কথা নাপাতিব। অত্যধিক গতিবিধিও ভাল নহয়।
৭)ৰক্তচাপ জোখা কফ ভালদৰে বান্ধিব লাগে। কফটো এনেদৰে বান্ধিব লাগে যাতে ই বেছি ঢিলা নহয় বা বেছি টান নহয়। বান্ধি দিয়াৰ পিছত আঙুলি এটা সোমাব পৰা ঠাই থাকিব লাগে। আৰু মনত ৰাখিব, কফটো ছালৰ সংস্পৰ্শত থাকিব লাগে। টান কাপোৰৰ ওপৰত কফ লগাব নালাগে।
৮)বাওঁহাতত ৰক্তচাপ জুখিলে ভাল। কাৰণ হৃদযন্ত্ৰ শৰীৰৰ বাওঁফালে থাকে। চিকিৎসকে কয় যে যদি বাওঁহাতত বিষ বা আঘাত থাকিলেহে সোঁহাতখনত জুখিব লাগে।
৯)ৰক্তচাপ জুখিলে চকী এখনত বহি দুয়ো ভৰি মাটিত ৰাখিব লাগে। ভৰি দুখন ক্ৰছ কৰি বহিলে বা ভৰি দুখন লৰাই থাকিলে জোখ সঠিক নহ’ব। কেতিয়া জুখিব লাগে?
চিকিৎসকৰ মতে যদি ৰক্তচাপ বেছি হয় তেন্তে দিনটোত দুবাৰৰ পৰা তিনিবাৰকৈ ৰক্তচাপ জুখিব পাৰি। পুৱা, দুপৰীয়া আৰু বিয়লি জুখিব পাৰি। প্ৰয়োজন হ’লে নিশা জুখিব পাৰি। যদি ঘৰতে থাকে আৰু শাৰীৰিক ক্ৰিয়া-কলাপ কম হয় তেন্তে দিনটোত এবাৰ ৰক্তচাপ জুখিলেই হয় ৷
