শীতকালত প্ৰচুৰ উৎপাদন হোৱা বন্ধাকবি সকলোৰে প্ৰিয় পাচলিৰ অন্যতম এবিধ পাচলি। এই পাচলিবিধে ওজন কমোৱাত মানুহক অভূতপূৰ্ব সহায় কৰে। যিহেতু বৰ্তমান সময়ত মানুহৰ এটা প্ৰধান সমস্যা হৈছে মেদবহুলতা।এই মেদবহুলতাৰ পৰা পৰিত্ৰাণ পাবলৈ মানুহে বিভিন্ন উপায় অৱলম্বন কৰা দেখা যায়।অতি কম কেল‘ৰিযুক্ত বন্ধাকবিও মেদ হ্ৰাস কৰাত যথেষ্ট সহায় কৰে।
যদি আপুনি মেদ হ্ৰাস কৰিব বিচাৰে তেন্তে সদায় আপোনাৰ খাদ্য তালিকাত বন্ধাকবি সংযোগ কৰক।বিভিন্ন ধৰণেৰে ৰান্ধি আপুনি বন্ধাকবিৰ সোৱাদ লব পাৰে। সৰু সৰু টুকুৰা কৰি বন্ধাকবি আপুনি ভাপত দিও খাব পাৰে বা ময়দাৰ সলনি বন্ধাকবিৰ পাতত মেৰিয়াই ৰ‘ল বনাইও খাব পাৰে। অত্যন্ত সোৱাযুক্ত এই খাদ্য ৰসাল হোৱাৰ লগতে আপোনাক মাংসৰ দৰে সোৱাদ প্ৰদান কৰিব।
আমি সকলোৱে ভাল পোৱা অন্য এক খাদ্যৰ যুতি হৈছে চালাদ। বন্ধাকবিও আমি সৰিয়হ তেলত বিন , গাজৰ আৰু কেপচিকাম দি অলপ ভাজি চালাদ তৈয়াৰ কৰি খাব পাৰো।প্ৰচুৰ ফাইবাৰ থকা এই খাদ্যই আপোনাক অন্য এক সোৱাদ দিব।
ৰেষ্টুৰেন্টত গৈ সদায় চিকেন ৰ’লৰ সোৱাদ লবলৈ আমি সকলোৱে ভাল পাও।যি অভ্যাসে আমাক মেদবহুলতাৰ দৰে ৰোগ বৃদ্ধিত সহায় কৰে।কিয়নো আমি চিকেন আৰু বন্ধাকবিৰে ঘৰতে এই ৰ‘ল বনাই সোৱাদ ল‘ব নোৱাৰো ! হ’য় বন্ধাকবিৰ পাতত আমি সিজাই লোৱা চিকেন আৰু পিয়াজৰ পাত দি ৰ’ল বনাই খাব পাৰো।
যিসকলে ভাতৰ পোলাও খাই ভাল পাই সেইসকলেও ভাত আৰু বন্ধাকবি পোলাও তৈয়াৰ কৰি সেই খাব পাৰে।খুব স্বাস্থ্যসন্মত এই বন্ধাকবি ভাতৰ পোলাও অলপ ঘী ত ভাজি খালে কেলৰি বাৰ্ণ হোৱাত সহায় কৰে। আপোনাৰ পচন্দ অনুসৰি আপুনি অন্য তৰকাৰী লগতো এই পোলাও খাব পাৰে।
ইয়াৰউপৰিও আপুনি বন্ধাকবিৰ চেণ্ডউইচ তৈয়াৰ কৰিও খাব পাৰে। ইয়াক আপুনি ব্ৰেডৰ ওপৰত চীজৰ সলনি পানী কঢ়া দৈ ,বন্ধাকবি , গাজৰ ,কেপচিকাম দি বনাব পাৰে।অতিকে স্বাস্থ্যসন্মত এই খাদ্য সম্ভাৰে আমাক বহু স্বাস্থ্য উপকাৰীতা দিব পাৰে।ৰাতিপুৱাৰ খাদ্যৰ তালিকাত চেণ্ডউইচ ৰ লগত দৈনিক এগিলাচ বন্ধাকবিৰ ৰস খালে আমাৰ শৰীৰৰ অতিৰিক্ত মেদ অতি কম সময়তে হ্ৰাস পাব।
যদিও বন্ধাকবিৰ বহুত উপকাৰী গুণ আছে তথাপি থাইৰয়ডৰ দৰে অসুখত বন্ধাকবি খুবেই অপকাৰী । তেনেক্ষেত্ৰত চিকিৎসকৰ পৰামৰ্শ লৈহে বন্ধাকবিৰ সোৱাদ ল’ব লাগে।
