ব্যায়াম কৰাৰ লগতে পুষ্টিকৰ খাদ্য গ্ৰহণ কৰে আৰু মধ্যমীয়া জীৱন যাপন কৰে তেন্তে বৃদ্ধাৱস্থালৈকে সুস্থ শৰীৰেৰে আপুনি জীয়াই থাকিব পাৰে। কিন্তু পুষ্টিকৰ খাদ্য নিয়মিতভাৱে খাব লাগে। ধূমপানকে ধৰি কিছুমান বেয়া অভ্যাসে যেনেকৈ মৃত্যুৰ সম্ভাৱনা বৃদ্ধি কৰে, তেনেদৰে দৈনন্দিন খাদ্য তালিকাত থকা কেইবাটাও খাদ্যইও সুস্থ শৰীৰক দীৰ্ঘদিন জীয়াই থকাত সহায় কৰে। খাদ্য আমিষ হোৱাটো বাধ্যতামূলক নহয়, নিৰামিষ খাদ্য খালেও শৰীৰটো সুস্থ কৰি ৰাখিব পাৰি।সুস্থ শৰীৰেৰে দীৰ্ঘদিন জীয়াই থাকিবলৈ কি কি খাদ্যৰ ওপৰত নিৰ্ভৰ কৰিব লাগে?
বাদাম
এন্টিঅক্সিডেন্ট, ফেটি এচিড, খনিজ পদাৰ্থৰে সমৃদ্ধ আলমণ্ড, পিষ্টা, আখৰোট ইয়াৰে যিকোনো এটা নিয়মিতভাৱে ২-৩ টাকৈ খালে শৰীৰক শক্তিশালী কৰি তুলিব। বয়সৰ লগে লগে হৃদৰোগৰ সম্ভাৱনা বৃদ্ধি পায়। এই ধৰণৰ বাদামবোৰে এনে বিপদ কমোৱাত সহায় কৰে।
বীজ
তিচিৰ গুটি আৰু চিয়া গুটিৰ বাহিৰেও বিভিন্ন ফলমূল আৰু শাক-পাচলি যেনে কোমোৰা বা কঁঠালৰ গুটি আদি খাই সুস্বাস্থ্য বজাই ৰাখিব পাৰে। বিশেষকৈ তিচি আৰু চিয়া বীজত প্ৰচুৰ পৰিমাণে ওমেগা-৩ ফেটি এচিড থাকে। ইয়াৰ উপৰিও ইয়াত আঁহ, বিভিন্ন খনিজ পদাৰ্থ আৰু ভিটামিন থাকে। হৃদযন্ত্ৰকে ধৰি শৰীৰৰ বিভিন্ন অংশ সুস্থ কৰি ৰাখিবলৈ এই উপাদানসমূহ অতি প্ৰয়োজনীয়।
দানাশস্য
ভাত আৰু ৰুটিৰ বাহিৰেও কুইনোয়া, ব্ৰাউন ৰাইচ, অটছ খাই শৰীৰটো সুস্থ কৰি ৰাখিব পাৰে আৰু একে সময়তে ওজন কমাব পাৰে। ভাত আৰু ৰুটি আমাৰ জীৱনৰ লগত ওতঃপ্ৰোত সম্পৰ্ক আছে । গোটেই দিনটো ভাত-ৰুটিৰ কোনো এটাও নাখালে যেন একেবাৰে খোৱা নাই, এনে অনুভৱ হয়। কিন্তু ওজন কমাবলৈ, সুস্থ হৈ থাকিবলৈ কুইনোয়া, ব্ৰাউন ৰাইচ খাব পাৰে ৷
সেউজীয়া আৰু শাক-পাচলি
সাধাৰণতে নৱপ্ৰজন্মৰ প্ৰিয় খাদ্যৰ তালিকাত শাক-পাচলি নাথাকে। শাক-পাচলি নাখালে শৰীৰৰ পুষ্টিৰ ব্যৱধান থাকে। পিজ্জা, বাৰ্গাৰ খালেও পেট ভৰিব পাৰে। কিন্তু স্বাস্থ্যৰ বাবে ভাল নহয়। একেদৰে বেছি ভাত খোৱা বা বেছি মাছ-মাংস খোৱাটোও উচিত নহয়। কবি, বেঙেনা, , আলু, বিলাহী, গাজৰ আদি — সকলো শাক-পাচলিৰ নিজস্ব গুণ আছে। বিভিন্ন ভিটামিন আৰু খনিজ পদাৰ্থৰে সমৃদ্ধ সেউজীয়া আৰু শাক-পাচলি এটা সুস্থ শৰীৰৰ বাবে অতি গুৰুত্বপূৰ্ণ। তদুপৰি এই শাক-পাচলিয়ে বিভিন্ন ৰোগৰ আশংকা হ্ৰাস কৰে।
গ্ৰীণ টী
বাৰে বাৰে গাখীৰ চাহ বা ৰঙা চাহত চুমুক দিয়াৰ পৰিৱৰ্তে দিনটোত এবাৰ হ’লেও গ্ৰীণ টি খাব লাগে। ইয়াত প্ৰচুৰ পৰিমাণে এন্টিঅক্সিডেন্ট থাকে। গ্ৰীণ টীয়ে মগজুৰ কাৰ্য্যক্ষমতা উন্নত কৰাত সহায় কৰে, ওজন কমায় আৰু কেন্সাৰৰ সম্ভাৱনা হ্ৰাস কৰে।
খাদ্যত ভাৰসাম্যতা
প্ৰতিদিনে খাদ্যাভ্যাসত ভাৰসাম্য ৰক্ষা কৰাটো গুৰুত্বপূৰ্ণ। কোনো খাদ্য অতিৰিক্তভাৱে খাব নালাগে কাৰণ ই উপকাৰী। আকৌ নিৰামিষ খাদ্য পছন্দ কৰিলেও প্ৰটিনযুক্ত খাদ্য, যেনে দাইল, চয়াবিন আদি খাব লাগে। নিয়মীয়া খাদ্য তালিকাত থকা বাদাম, গ্ৰীণ টি, অটছ বা কুইনোয়া, শাক-পাচলিয়ে শৰীৰৰ ৰোগ প্ৰতিৰোধ ক্ষমতা বৃদ্ধি কৰিব। যিয়ে সুস্থ শৰীৰেৰে জীয়াই থকাত সহায় কৰিব।
