বৰ্তমান সময়ত পৃথিৱীৰ অধিসংখ্যক লোকে নিজৰ সুন্দৰ ৰূপ, সুন্দৰ বৰণ আৰু সৌন্দর্যৰ ওপৰত বহুত বেছি গুৰুত্ব দিয়া পৰিলক্ষিত হয়। এনে এক সময়তে যেতিয়া মানুহে গাৰ ৰং বগা তথা উজ্জল কৰা বিভিন্ন সামগ্ৰীৰ ওপৰত গুৰুত্ব আৰোপ কৰিছে, সেই একে সময়তে এগৰাকী যুৱতীয়ে নিজৰ গাৰ ৰঙক আঁকোৱালি লৈছে গৌৰৱেৰে।
উল্লেখ্য যে আমেৰিকাৰ দক্ষিণ সোডান্স (South sudanese) ৰ এগৰাকী মডেল যাৰ নাম “Nyakem Getwech“। মডেলগৰাকীয়ে শৰীৰৰ চকলেটৰ দৰে বৰণৰ কাৰণে বিশ্ব ৰেকর্ড কৰিবলৈ সক্ষম হৈছে ৷ গাৰ ৰঙৰ বাবে জনসাধাৰণৰ মাজত “Queen of dark” বুলি জনাজাত এই মডেলগৰাকী ৷
২৪ বছৰ বয়সীয়া মডেলগৰাকীয়ে নিজৰ গাৰ ৰঙক লৈ কোনোদিনে হীনমন্যতাত ভোগা নাই । ইয়াৰ বিপৰীতে তেঁও ইয়াক আৰু অধিক সুন্দৰভাৱে উপস্থাপনহে কৰিছে। “Minneapolis” নামৰ ঠাইত বাস কৰা মডেলগৰাকীয়ে গাৰ ৰঙক লৈ হোৱা ভেদ-ভাৱ আঁতৰ কৰাৰ ক্ষেত্ৰত প্ৰায়ে সৰৱ ভূমিকা লোৱা দেখা যায়।
উল্লেখ্য যে সামাজিক মাধ্যমতো মডেলগৰাকীৰ আছে বহুতো অনুৰাগী। তেঁওৰ ইনষ্টাগ্ৰাম একাউন্টত ৮৯০০০ তকৈ বেছি সংখ্যক অনুৰাকী আছে। মডেলগৰাকীয়ে সামাজিক মাধ্যমত গাৰ ৰঙক লৈ প্ৰেৰণাদায়ক তথা উৎসাহজনক কথা প্ৰায়ে প্ৰচাৰ কৰা দেখিবলৈ পোৱা যায়।
