নলবাৰীৰ নিজ পকোৱা গাওঁত শোকাৱহ ঘটনা সংঘটিত হৈছে ৷ এটা আতচবাজী কাৰখানাত ভয়াৱহ অগ্নিকাণ্ডৰ ঘটনা সংঘটিত হৈছে ৷ আজি পুৱাই সংঘটিত হয় এই ঘটনা ৷ এই ঘটনাত এজন যুৱকৰ অগ্নিদগ্ধ হৈ এজন যুৱকৰ মৃত্যু হয় ৷ মৃত যুৱক শিৱম বুলি জানিব পৰা গৈছে ৷ মৃত শিৱমৰ ঘৰ ৰঙিয়াত ৷ হৰিহৰ বৈশ্য নামৰ এজন লোক প্ৰতিষ্ঠানটোৰ স্বত্বাধিকাৰী ৷ পুৱা প্ৰায় ৮.৩০ বজাত সংঘটিত হয় এই ঘটনা ৷
উল্লেখ্য যে দিপাৱলী উপলক্ষে নলবাৰীৰ আতচবাজী প্ৰতিষ্ঠানসমূহত ব্যস্ততা বৃদ্ধি পাইছে ৷ সেইদৰে নলবাৰীৰ নিজ পকোৱাত ফিফটি-ফিফটি নামৰ প্ৰতিষ্ঠানটোৰ কর্মচাৰীসকল পুৱাৰে পৰা অতচবাজী নির্মাণত ব্যস্ত হৈ আছিল ৷ ইয়াৰ মাজতে হঠাৎ প্ৰতিষ্ঠানটোত অগ্নিকাণ্ড সংঘটিত হয় আৰু ই ভয়াৱহ ৰূপ ধাৰণ কৰে ৷ পৰৱর্তী সময়ত অগ্নিনির্বাপক বাহিনী ঘটনাস্থলীত উপস্থিত হৈ জুই নিয়ন্ত্ৰণ কৰাৰ লগতে যুৱকজনৰ মৃতদেহ উদ্ধাৰ কৰে ৷ এই ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে ৷ অঞ্চলটোত কেইবাটায়ো এনে প্ৰতিষ্ঠান আছে বুলি জানিব পৰা গৈছে ৷
