পৃথিৱীৰ বিভিন্ন প্ৰান্তৰত থকা বিভিন্ন মানুহৰ আছে বিভিন্ন প্ৰতিভা । কাৰোবাৰ প্ৰকাশ পাই আৰু কাৰোবাৰ প্ৰতিভা অপ্ৰকাশিত হৈয়েই ৰৈ যায় ।
অসমৰ মাটিতো তেনে বহু প্ৰতিভা আছে ।প্ৰচাৰবিমুখ তেনে বহু লোকৰ প্ৰতিভাৰ কথা আন বহু জনে নজনাকৈয়ে থাকি যায় ।
তেনে এজন প্ৰতিভাশালী ব্যক্তি শ্ৰীযুত বিজয় লালুং যাৰ কেমেৰাত বন্দী হোৱা স্থিৰ চিত্ৰ সমূহে আকৰ্ষিত কৰিব আপোনাকো। বোন্দা গাওঁৰ বাসিন্দা বিজয় লালুং এজন ভাল ফটোগ্ৰাফাৰ ।
সময়ে সময়ে তেওঁৰ কেমেৰাত বন্দী হোৱা আলোকচিত্ৰ সমূহ দেখাৰ পিছত আপুনিও ভাবিবলৈ বাধ্য হ’ব যে ‘ছবিয়েও কথা কয়’ ।
বৰ্তমান সময়ত তেওঁৰ বন্ধু প্ৰফুল্ল বসুমতাৰীয়ে সামাজিক মাধ্যমযোগে প্ৰচাৰ কৰা এই ফটো কেইখনে দৃষ্টি আকৰ্ষণ কৰিছে বহু জনৰ । তেখেতৰ এই আলোকচিত্ৰ সমূহে প্ৰকৃতিপ্ৰেমিসকলৰ মনতো নিশ্চয় আনন্দৰ খোৰাক যোগাব ।
