অসমীয়া সাহিত্যলৈ আন এক সুখবৰ ৷ দেৰাডুনৰ পৰা প্ৰদান কৰা ভেলী অৱ ৱর্ডছ বুকচ্ সাহিত্য পুৰস্কাৰৰ বাবে মনোনীত হৈছে অনুৰাধাৰ শৰ্মা পূজাৰীৰ জনপ্ৰিয় উপন্যাস হৃদয়-এক বিজ্ঞাপনৰ ইংৰাজী সংস্কৰণ । চলিত বৰ্ষৰ এই বঁটাৰ অনুবাদ সাহিত্য শিতানত হৃদয়-এক বিজ্ঞাপনৰ ইংৰাজীলৈ অনূদিত গ্ৰন্থ মাই পয়েমছ আৰ নট ফৰ ইয়ৰ এড-কেম্পেইন ((My Poems Are Not for Your Ad Campaign) মনোনীত হৈছে ৷ নেপালী সাহিত্যিক লেখনাথ চেত্ৰীৰ দাৰ্জিলিঙৰ মনোৰম পটভূমিত ৰচিত ‘ফ্ৰুইটছ অৱ দ্য বেৰেন ট্ৰী’ (Fruits of the Barren Tree) উপন্যাসখনো একেটা শাখাত মনোনীত হৈছে ৷
উল্লেখ্য যে ২০২৩ চনৰ জুন মাহত অনুৰাধা শর্মা পূজাৰীৰ বহু পঠিত উপন্যাসখনৰ ইংৰাজী অনুবাদ মাই পয়েমছ আৰ নট ফৰ ইয়ৰ এড-কেম্পেইন (My Poems Are Not for Your Ad Campaign) প্ৰকাশ পাইছিল ৷ পেংগুইন ৰেণ্ডম হাউচৰ ভাইকিং ইম্প্রিণ্টে প্ৰকাশ কৰি উলিয়াইছিল অনূদিত গ্ৰন্থখন । হৃদয়-এক বিজ্ঞাপন উপন্যাসখন অনুবাদ কৰিছিল আৰুণি কাশ্যপে।
ইয়াৰ লগতে ২০২৪ বৰ্ষৰ এই বঁটাৰ বাবে ইংৰাজী সাহিত্যৰ শিতানত মনোনীত হৈছে প্ৰথাত ঔপন্যাসিক চলমান ৰুশ্বডীৰ শেহতীয়া উপন্যাস ভিক্টৰী চিটি (Victory City) আৰু দ্য ইন্ডিয়ান এক্সপ্ৰেচ কাকতৰ মুখ্য সম্পাদক ৰাজ কমল ঝাৰ নৱতম উপন্যাস ‘দ্য পেচেন্ট ইন বেড নম্বৰ টুৱেলভ’ (The Patient in Bed Number Twelve)।
