বশিষ্ঠৰ সাহিত্যিক-সাংস্কৃতিক কৰ্মী দেৱেশ্বৰ কলিতাক সম্বৰ্দ্ধনা

আজি মহানগৰীৰ অসম-মেঘালয় সীমান্তৰ বশিষ্ঠ গণেশ নগৰৰ বাসিন্দা প্ৰবীণ লেখক-সাংস্কৃতিক কৰ্মী, অখিল ভাৰতীয় সাহিত্য পৰিষদৰ অসম প্ৰদেশ কমিটিৰ উপ-সভাপতি দেৱেশ্বৰ কলিতাক ‘পৰাগজ্যোতি প্ৰকাশন’ ৰ তৰফৰ পৰা নিজ বাসভবনত সম্বৰ্দ্ধনা জ্ঞাপন কৰে। প্ৰকাশন সচিব, সাংবাদিক দীপক শৰ্মাই আঁত ধৰা অনুষ্ঠানত অংশ লৈ অসম সাহিত্য সভাৰ প্ৰাক্তন সহ:সম্পাদক ‘সাহিত্য কোঁৱৰ’ কমল কলিতাই কয়, ‘মানুহৰ মাজত সম্পর্কবোৰ মধুৰ হ’ব লাগে। সম্পর্কই এজন মানুহক শীর্ষ স্থানলৈ উধাব পাৰে। আজিৰ এই শতিকাত মহানগৰবোৰত ইখন ঘৰে সিখন ঘৰক চিনি নোপোৱা হৈ পৰিছে।‘  সভাত গুৱাহাটী উচ্চ ন্যায়ালয়ৰ জ্যেষ্ঠ আইনজীবী, লেখক উমাকান্ত বৰাই সাৱলীল ভাৱে কয়- পৰাগজ্যোতি প্ৰকাশনৰ মহান প্ৰচেষ্টা, আদৰ্শ শলাগিবলগীয়া। সভাত ৰাজ্য চৰকাৰৰ হস্ততাঁত, বস্ত্ৰ শিল্প, ৰেচম, পৰ্যটন বিভাগৰ প্ৰাক্তন অতিৰিক্ত সচিব কনকসেন ডেকা, এগ্রো প্ৰচেচিং কো: অপাৰেটিভ চোচাইটিৰ বিষয়া বেদান্ত বিকাশ শৰ্মা, চিলাৰায় জাতীয় বিদ্যালয়ৰ শিক্ষয়িত্ৰী ৰঞ্জনা কলিতা, দেৱৰঞ্জন পাৰ্থজ্যোতি আদি বিশিষ্ট ব্যক্তিসকলৰ  অংশ গ্ৰহণে অনুষ্ঠানটোক আগলৈকো এনেদৰে  কাম কৰি যোৱাত  প্ৰেৰণা যোগায় ৷