সমগ্ৰ অসমবাসীৰ বাবে এক গৌৰৱৰ মুহূৰ্ত ৷ গুৱাহাটী মহানগৰৰ বাসিন্দা ৭ বছৰীয়া ৰিয়াঞ্চ সোমানিয়ে ‘ইণ্ডিয়া বুক অৱ ৰেকৰ্ডছ’ আৰু ‘এছিয়া বুক অৱ ৰেকৰ্ডছ’ত নিজৰ নাম পঞ্জীয়ন কৰিবলৈ সক্ষম হৈছে।
সাত বছৰীয়া ৰিয়াঞ্চে মাত্ৰ পাঁচ মিনিটৰ ভিতৰত ৩x৩ ৰুবিক্চ কিউব সজ্জিত কৰি ৪৬ খন বিভিন্ন দেশৰ ৰাষ্ট্ৰীয় পতাকাৰ ৰং প্ৰদৰ্শন কৰি এই কৃতিত্ব অৰ্জন কৰিবলৈ সক্ষম হৈছে।
উল্লেখ্য যে ,ইয়াৰ লগে লগে তেওঁ পূৰ্বৰ এক অভিলেখো ভংগ কৰিছে ৷ ৰিয়াঞ্চে কৰা এই অভিলেখৰ আগতেই এজন ১০ বছৰীয়া শিশুৱে ৫ মিনিটত ৪৩ খন দেশৰ পতাকা সজ্জিত কৰি অভিলেখ সৃষ্টি কৰিছিল।সেই অভিলেখ ভংগ কৰি শেহতীয়াকৈ ৰিয়াঞ্চে ৩x৩ ৰুবিক্চ কিউব সজ্জিত কৰি আৰু মাত্ৰ পাঁচ মিনিটত ৪৬ খন বিভিন্ন দেশৰ ৰাষ্ট্ৰীয় পতাকাৰ ৰং প্ৰদৰ্শন কৰি এই কৃতিত্ব অৰ্জন কৰিছে।
