যোৰহাট জিলা কবি সন্মিলনৰ আমন্ত্ৰণ ক্ৰমে অহা ৭, ৮,৯ অক্টোবৰত অনুষ্ঠিতব্য সদৌ অসম কবি সন্মিলনৰ ৰাজ্যিক পূৰ্ণাংগ দ্বি-বাৰ্ষিক অধিবেশন উপলক্ষে আদৰণি সমিতিৰ প্ৰতিযোগিতা উপসমিতিৰ উদ্যোগত যোৰহাট জিলা ভিত্তিক এখনি কাব্যগ্ৰন্থৰ প্ৰতিযোগিতাৰ আয়োজন কৰা হৈছে৷
উদ্যোক্তা সকলে জানিবলৈ দিয়া মতে অধিবেশনৰ ৰাজহুৱা সভাত প্ৰদান কৰিবলগীয়া ‘ স্বৰ্গীয় দেবেন বৰা সোঁৱৰণী শ্ৰেষ্ঠ কাব্যগ্ৰন্থ ’ বঁটাটিত থাকিব নগদ ধন , স্মাৰক , মানপত্ৰ আৰু অংগবস্ত্ৰ ৷
২০১৯ -২২ বৰ্ষত প্ৰকাশিত কাব্যগ্ৰন্থৰ দুটাকৈ কপি অহা ২৫ ছেপ্তেম্বৰৰ ভিতৰত পোৱাকৈ বন্ধ খামত “ ৺দেবেন বৰা সোঁৱৰণী শ্ৰেষ্ঠ কাব্যগ্ৰন্থৰ প্ৰতিযোগিতাৰ বাবে ’’ মাৰফৎঃ সংস্কৃতি প্ৰকাশন , মহাত্মা গান্ধী পথ। যোৰহাট মক্তৱ আদৰ্শ বিদ্যালয়ৰ বিপৰীতে ৷ যোৰহাট -১ এই ঠিকনাত প্ৰেৰণ কৰিবলৈ প্ৰতিযোগীসকলক অনুৰোধ জনোৱা হৈছে৷
আনহাতে উক্ত প্ৰতিযোগিতাৰ বিষয়ে সবিশেষ জানিবলৈ প্ৰতিযোগী সকলে প্ৰতিযোগিতা উপসমিতিৰ সভাপতি ৰাজু বৰুৱা, ফোন- ৭০০২১৮৪৯২১ অথবা সম্পাদক , দেবজিৎ গোস্বামী , ফোন- ৯১০১০২৮৭৩৯ নম্বৰত যোগাযোগ কৰিব পাৰিব বুলিও জানিবলৈ দিছে উদ্যোক্তাসকলে ৷
